राजेंद्र पाटील राऊत
सपोनि.महादेव पुरी यांनी तपासाचे चक्रे फिरविले
तीन आरोपीना २४ तासाच्या आत पकडण्यात यश
१ ट्रॅक्टरसह ३ आरोपी कुंटूर पोलिसांच्या ताब्यात
नायगाव तालुका प्रतिनिधी निळकंठ मोरे पाटील (युवा मराठा न्यूज)
तालुक्यातील नांदेड – नायगाव महामार्गावर असलेल्या घुंगराळा जवळील रस्त्यावर ऊसाने भरलेल्या ट्रॅक्टर दिनांक ९ फेब्रुवारी २०२२ रोजीच्या मध्यरात्री जात असताना ट्रॅक्टरच्या समोर कार आडवी लाऊन जबरीने ट्रॅक्टर पळविले असल्याची माहिती कुंटूर पोलीसाना मिळताच सहाय्यक पोलीस निरीक्षक महादेव पुरी यांनी तपासाची चक्र फिरवून चोवीस तासाच्या आत ट्रॅक्टर पळवलेल्या तीन चोरांना पकडण्यात यश मिळवले आहे.
सविस्तर वृत्त असे की दिनांक ९ फेब्रुवारी २०२२ रोजीच्या रात्री ३ वाजताच्या सुमारास ऊसाने भरलेल्या ट्रॉलीसह ट्रॅक्टर क्रमांक एम एच-२६ , बी क्यू -१९१४ या क्रमांकाचे ट्रॅक्टर कारखान्याकडे जात असताना नांदेड ते नायगाव महामार्गावरील असलेल्या घुंगराळा जवळ कार क्रमांक एम..एच-२४ , व्ही-९७०२ या क्रमांकाची कार ट्रॅक्टरच्या समोर आडवी लाऊन जाण्याचा मार्ग अडवून चालकाला मारहाण करून ऊसाने भरलेली ट्रॉली जाग्यावरच सोडून ९ लाख रुपये किंमतीचे ट्रॅक्टर (हेड) जबरीने चोरून नेले असल्याने कुंटूर ठाण्याचे सहाय्यक पोलीस निरीक्षक महादेव पुरी यांनी तपासाची सूत्रे हलवून जबरीने चोरून नेलेल्या ट्रॅक्टर सह तीन आरोपींना देगलूर पोलिसांच्या मदतीने चोवीस तासाच्या आत पकडण्याच यश पोलिसांना मिळाल आहे.
कुंटूर पोलीस ठाण्यात अंकुश प्रेमदास चव्हाण व्यवसाय ड्रायव्हर रा.गोविंद तांडा ता.लोह यांच्या फिर्यादीवरून सपोनि. महादेव पुरी यांच्या मार्गदर्शनाखाली
अतुल लक्ष्मण गुंटे, पांडुरंग सुग्रीव शिंदे, हरिदास ब्रह्मदेव शिंदे सर्व रा. हागरुळ तालुका जिल्हा सोलापूर याच्या विरोधात कलम ३९२ ,३४१ , ३४ भादवी प्रमाणे
गुन्हा दाखल झाला असून अटक करण्यात आले आहे.अधिक तपास पोलीस उपनिरीक्षक संजय अटकोरे हे करीत आहेत.