राजेंद्र पाटील राऊत
SP अरविंद चावरिया ट्रेनिंगसाठी रवाना; जिल्ह्याचा पदभार ASP श्रवण दत्त यांच्याकडे बुलडाणा (ब्यूरो चिफ स्वप्निल देशमुख यूवा मराठा न्यूज बूलडाणा ) जिल्ह्याचे कर्तव्यदक्ष जिल्हा पोलीस अधीक्षक अरविंद चावरिया हे पोलीस अधिकाऱ्यांच्या महत्त्वाच्या ट्रेनिंगसाठी रवाना झाले आहेत. त्यामुळे काल, ७ फेब्रुवारीपासून पुढील २२ दिवस अप्पर पोलीस अधीक्षक (खामगाव) श्रवण दत्त यांनी जिल्ह्याचा कारभार स्वीकारला आहे.
वरिष्ठ आयपीएस अधिकाऱ्यांच्या महत्त्वाच्या प्रशिक्षणासाठी श्री. चावरिया रवाना झाले आहेत. त्यामुळे पुढील २२ दिवस ते नसल्याने श्रवण दत्त यांना जबाबदारी सांभाळावी लागणार आहे. जवळपास गेल्या दीड वर्षापासून श्री. चावरिया यांनी कारभार सांभाळताच गुन्हेगारांचे धाबे दणाणलेले आहेत. कर्तव्यदक्षतेमुळे गुन्हेगारांवर अंकुश ठेवण्यात ते यशस्वी झाले होते. त्यांच्या पावलावर पाऊल ठेवत पुढील २२ दिवसांची जबाबदारी सांभाळण्याचे मोठे आव्हान श्रवण दत्त यांच्यासमोर असणार आहे.
