राजेंद्र पाटील राऊत
एमआयडीसी. मधील साप्ताहिक सुट्टी सोमवारी करावी !
स्लग-एमआयडीसी कामगार हक्क समितीची मागणी
अकोला,(सतिश लाहुळकर ब्युरो चीफ युवा मराठा न्युज नेटवर्क) : एमआईडीसी. मधील साप्ताहिक सुट्टी सोमवारी करावी अशी मागणी
एमआयडीसी कामगार हक्क समितीने केली आहे.
एमआयडीसी कामगार हक्क समिती अकोला यांच्या वतीने शुक्रवारी जिल्हाधिकारी निमा अरोरा यांना मागण्यांचे निवेदन देण्यात आले. समितीचे अध्यक्ष अध्यक्ष निलेश खडसान यांच्या नेतृत्वाखाली कामगारांच्या शिष्टमंडळाने निवेदन देताना कामगारांच्या समस्या मांडून
एमआयडीसी. मधील साप्ताहिक सुट्टी सोमवारी करण्यात यावी अशी विनंती केली.
आपल्या एम. आय. डी. सी मध्ये मागील कित्येक वर्षापासून साप्ताहिक सुट्टी
सोमवार होता, परंतु कोरोना प्रादुर्भावामुळे बदलवुन रविवार करण्यात आला. त्यामुळे रविवार हा शासकिय सुट्टीचा दिवस असल्याकारणाने सर्व शासकीय ऑफीस व बँकासुध्दा रविवारी बंद असतात. त्यामुळे कामगारांचे कोणत्याही प्रकारचे काम होत नसुन सर्व शासकिय ऑफीस व बँकेचे काम असल्यास कामगारांना सुट्टी काढुन करावे लागते. त्यामुळे त्यांची त्या दिवशीची आर्थिक नुकसान होते त्याचा परिणाम त्यांच्या जीवनमानावर पडतो. करीता कामगारांच्या अडचणी व भावना समजुन एम.आय.डी.सी. मधील साप्ताहिक सुट्टी सोमवार करावी अशी विनंती निवेदनातून करण्यात आली
निवेदन देताना एमआयडीसी कामगार हक्क समितीचे अध्यक्ष निलेश खडसान, पदाधिकारी नितीन राऊत, दिनेश लोडम, दिलीप कुकडे, विपुल वानखडे, गणेश धनभर पदाधिकारी व कामगारांची उपस्थित होते
————