राजेंद्र पाटील राऊत
वनविभागाच्या कार्यवाहीत बोरी ( बु. ) येथे फर्निचर जप्त
नांदेड/मनोज बिरादार ब्युरो चीफ युवा मराठा न्युज नेटवर्क
मुखेड वनविभागाच्या बेधडक कार्यवाही सत्र सुरूच असुन शेतीतून सागवान लाकडाची विना परवाना तोडणी करुन विनापरवाना वाहतुकीने लाकडे आणून त्याचे फर्निचर साहित्य बनवून साठवन करून ठेवल्याची गुप्त माहीती वन विभागाच्या अधिकाऱ्यांना मिळाली होती . उप वनसंरक्षक अमोल सातपुते , सहाय्यक वन संरक्षक भीमसिंग ठाकूर यांच्या मार्गदर्शनाखाली कंधार परिमंडळातील बोरी बुद्रुक येथे अवैधरित्या साठवून ठेवलेल्या सागवान प्रजातीचे फर्निचर साहित्य कट साईझ लाकडे , चौकटी , सोफासेट व गोल लाकडाचा माल जवळपास ३ घनमीटर अंदाजे ५५ ते ६० हजार रूपयांचे जप्त करण्यात आले . , मुखेड वनपरिक्षेत्र विभागाने जानेवारी २०२२ मध्ये एकाच महिण्यात त्यांच्या कार्यक्षेत्रातील वेगवेगळ्या ३ ठिकाणी धाडी टाकुन धडक कारवाई करण्याचा सपाटा लावला आहे . अवैध सागवान याबाबत पुढील कायदेशीर कारवाई वृक्षतोड करुन विक्री करणाऱ्या करण्याची प्रक्रिया वनपरिमंडळ अधिकारी मुकुंद पवार व वनरक्षक लक्ष्मण पांढुर्णे हे करीत असल्याची माहिती मुखेड चे वनपरिक्षेत्र अधिकारी एस.डी. हराळ यांनी दिली आहे . अवैध सागवान वृक्षतोड करून विक्री करणाऱ्या मंडळीचे धाबे दणाणले आहेत . दि . २९ जानेवारी रोजी आंबुलगा बिटातील बोरी बुद्रुक येथे अवैधरित्या विनापरवाना सागवान प्रजातीचा साठवुन ठेवलेला लाकडाचा माल व साहित्य वनविभागाच्या कार्यवाहीत जप्त करण्यात आले . जप्त करण्यात आलेले साहित्य व गोल आकाराचा माल वनपरिक्षेत्र कार्यालयात आणण्यात आला . ही कार्यवाही वनपरिक्षेत्र अधिकारी एस . डी हराळ , वनपरिमंडळ अधिकारी ए.पी. सेवलकर , एम . एम पवार वनरक्षक लक्ष्मण पांढुर्णे , एस व्ही नागरगोजे , आर . के राठोड , ए . एन राठोड , आर . एन कराड , एम जी गोपुलवाड व मेहबूब शेख यांनी केली .
