Home उतर महाराष्ट्र चंदनपुरीचा यात्रोत्सव;शासकीय आदेश किती खरा किती खोटा…! कोरोनाची ऐसी की तैसी…!!

चंदनपुरीचा यात्रोत्सव;शासकीय आदेश किती खरा किती खोटा…! कोरोनाची ऐसी की तैसी…!!

876
0

राजेंद्र पाटील राऊत

चंदनपुरीचा यात्रोत्सव;शासकीय आदेश किती खरा किती खोटा…!
कोरोनाची ऐसी की तैसी…!!

(राजेंद्र पाटील राऊत युवा मराठा न्युज)
मालेगांव– सध्या कोरोना रुग्णाची व ओमाँयक्राँन विषाणूचा वाढता प्रादुर्भाव बघता नाशिकचे जिल्हाधिकारी सुरज मांढरे यांनी आदेश काढून जिल्ह्यातील यात्रोत्सव बंद करीत असल्याच्या सक्त सुचना प्रशासनाला दिलेल्या असतानाही त्याला हरताळ फासून नियमांची पायमल्ली करण्यात आल्याचा प्रकार मालेगांव जवळील श्री क्षेत्र चंदनपुरी येथे घडत असल्याचे बघावयास मिळत आहे.
उतर महाराष्ट्राचे आराध्य दैवत म्हणून ओळखले जाणारे चंदनपुरीतील खंडेराव महाराजांची यात्रा कोरोना महामारीमुळे सलग दोन वर्षापासून बंद असताना,काल रविवार दिनांक १६ जानेवारी व आज सोमवारी पौर्णिमेनिमित चंदनपुरीत भाविकांची उडालेली झुंबड बघता भविष्यात कोरोनाचा हाँटस्पाँट म्हणून चंदनपुरीची नोंद होऊ नये हिच अपेक्षा! चंदनपुरी ग्रामपंचायत प्रशासनाने नुकतेच आपले मत मांडताना जाहिर केले होते की,चंदनपुरीत यावर्षी देखील यात्रोत्सव रद्द केलेला असून,भाविकांनी चंदनपुरीत येऊ नये व कुठलेही धार्मिक कार्यक्रम करु नयेत अन्यथा पोलिस प्रशासनाच्या वतीने कारवाई करण्यात येईल असे जाहिर केलेले असतानाही,मग चंदनपुरीत रहाटगाडगे पाळणे व इतर व्यावसायिकांनी थाटलेली दुकाने नेमकी कुणाच्या परवानगीने बसविण्यात आलीत हा देखील संशोधनाचा विषय ठरत आहे.चंदनपुरीत कुठल्याही धार्मिक कार्यक्रमाना बंदी असताना भाविकांची उडालेली झुंबड म्हणजे नेमके हे कशाचे लक्षण आहे? त्यासाठी प्रशासनाने कुठले नियम वापरलेत.एका बाजुला अंत्यविधीसाठी २० तर लग्नासाठी ५० हि मर्यादा केलेली असताना व शासकीय कार्यालयामध्ये देखील ५०/ टक्के कर्मचाऱ्यांची उपस्थिती जाहिर झालेली असताना,चंदनपुरी यात्रेत वाढलेल्या भाविकांच्या गर्दीला हा नियम लागू नव्हता की काय?असा प्रश्न आता उपस्थित होत आहे.एका बाजूला ग्रामपंचायत प्रशासनाने सांगितल्याप्रमाणे चंदनपुरीतील यात्रोत्सव खरोखरच बंद आहे का?चंदनपुरीत धार्मिक कार्यक्रमासाठी येणाऱ्यावर खरच बंदी आहे का?असे असेल तर मग काल व आज उडालेली अफाट गर्दी हे नेमके काय दर्शविते.याचा शोध आता प्रत्यक्ष जिल्हाधिकारी सुरज मांढरे यांनीच घेऊन चौकशी करावी अन्यथा भविष्यात कोरोना महामारीचा मोठा स्फोट झालाच तर त्याचा हाँटस्पाँट चंदनपुरी ठरेल व प्रशासनासह शासनाची भंबेरी उडून मग खरी कसोटी लागेल हे मात्र तेवढेच खरे!

Previous articleमुखेड येथे राज्याभिषेक दिन साजरा
Next articleविद्यार्थ्यांच्या शालेय पोषण आहारावर शासनाने दुर्लक्ष करू नये.
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here