राजेंद्र पाटील राऊत
करडखेड येथील माजी सरपंच गंगाधर मलकागौड यांचे अल्पशा आजाराने निधन (संजय कोंकेवार युवा मराठा न्यूज देगलूर) देगलूर तालुक्यातील करडखेड येथील माजी सरपंच तथा माजी तंटामुक्ती अध्यक्ष गंगाधर मलकागौड खुनेवाड यांचे अल्पशा आजाराने काल सायंकाळी सातच्या दरम्यान नांदेड येथील खाजगी रुग्णालयात त्यांचे निधन झाले. त्यांच्यावर आज सकाळी त्यांच्या मूळ गावी करडखेड येथे 11 वाजता अंत्यसंस्कार होणार आहे. त्यांच्या या अचानक जाण्याने गावावर व त्यांच्या नातेवाइकांमध्ये शोककळा पसरली आहे. गंगाधर खुनेवाड यांचे सार्वजनिक कार्यात व गोरगरिबांच्या सुखदुःखात सदा समोर असायचे. त्यामुळे गावात हळहळ व्यक्त केली जात आहे. त्यांच्या पश्चात तीन भाऊ, तीन बहिणी, दोन मुले, व एक मुलगी असा परिवार असून या परिवाराला या दुःखातून सावरण्याची परमेश्वराने शक्ती देवो, व त्यांच्या आत्म्यास शांती लाभो, हीच युवा मराठा न्युज परिवाराकडून ईश्वरचरणी प्रार्थना.