राजेंद्र पाटील राऊत
“चिमूकल्याची मने जिकली” रोटरी क्लब कडून अनोखी भेट. पालघर,(वैभव पाटील विभागीय संपादक युवा मराठा न्युज नेटवर्क)
रोटरी क्लब न्यू सिटी ठाणे तसेच रोटरी क्लब चेन्नई याच्या संयुक्त विद्यमाने पालघर जिल्ह्यातील विक्रमगड तालुक्यातील आरोग्य केंद्र मलवाडा येथे छोट्या चिमुकल्याना खेळण्या करिता चिल्डरन पार्क देण्यात आले. रोटरी क्लब तर्फे देण्यात आलेल्या लहान मुलांच्या बागेमध्ये रंगबिरंगी खेळ साहित्य, टेबल,बॅंच,घोडा,घसरगुंडी अनेक प्रकारची आधुनिक व आकर्षक खेळणीचा समावेश आहे.
आदिवासी भागातील या चिमुकल्याचे नेमके मनातले ओळखून या क्लब सभासदांनी अतिशय सुंदर अशी भेट या छोट्या मुलांना दिली आहे. आपली मुलेही या सर्व खेळ साहित्याचा आनंद घेऊ शकतील म्हणून कुतूहलाने बालकाच्या पालकांचे मनही भरून आले.
असा हा आगळा वेगळा व छोट्या पासून मोठ्यांच मन जिंकणार अलौकिक कार्य रोटरी क्लब न्यू सिटी ठाणे व रोटरी क्लब चेन्नई कडून घडले.
या वेळी क्लबचे श्री, सचिन खेडेकर, सौ. सावे मॅडम व इतर सदस्य त्याच बरोबर चेन्नई येथील रोटरी सदस्य उपस्थित होते.
सदर कार्यक्रम, श्री प्रमोद पाटील यांच्या सहकार्याने व प्रयत्नातून करण्यात आला .
या कार्यक्रमास श्री.डॉ. विजय ठक्कर, श्री.कमलाकर भोईर, चंद्रकांत पाटील सरपंच मलवाडा, श्री,अनिल पाटील, मिलींद महाकाल, मलवाडा चे उपसरपंच श्याम व आरोग्य केंद्राचे कर्मचारी उपस्थितीत होते.