राजेंद्र पाटील राऊत
पालघरमध्ये गणेशोत्सव मंडळाने साकारली जिल्हा मुख्यालयाची प्रतिकृती पालघर,(वैभव पाटील विभागीय संपादक युवा मराठा न्युज)
प्रतिकृती साकारण्यासाठी औद्योगिक टाकाऊ वस्तूंचे केले वापर
गणरायाच्या आगमनाची आतुरतेने वर्षभर वाट पाहिली जाते.करोनाचा सावट जरी असला तरीही गणेशभक्तांचा उत्साह जराही कमी झालेला नाही.यात सार्वजनिक गणेशोत्सव मंडळ नेहमी पुढे असतो,गणेशोत्सव साजरा करण्यासाठी तसेच गणरायाची व गणरायाच्या सजावटी साठी मंडपात विविध प्रकारची आकृती देखावा साठी गणेशोत्सव मंडळाकडून मोठी रकम देखील खर्च केली जाते.
परंतु पालघर शहरातील गोठणपूर सार्वजनिक गणेशोत्सव मंडळ यांनी गणरायाच्या मंडपात जिल्हा मुख्यालयाची प्रतिकृती साकारली आहे,विशेष म्हणजे यासाठी कुठलीही मोठी रकम खर्च न करता हे प्रतिकृती साकारण्यासाठी पालघर शहरातील वेगवेगळ्या औद्योगिक कारखान्यातील टाकाऊ(भंगार) वस्तूंचे वापर करण्यात आले आहे.ज्यात औषध कंपनीतुन टाकाऊ स्वरूपात निघणाऱ्या गोळ्यांची पेकिंग करण्यासाठी वापरण्यात येणाऱ्या पीव्हीसी फॉईलचे टाकाऊ वस्तू,इतर कारखान्यात उत्पादनाची पेकिंग करण्यासाठी वापरण्यात येणाऱ्या थर्माकोलचे टाकाऊ भाग,धागा कारखान्यातून निघणाऱ्या धाग्यांचे रिकामी रोल व अश्या अनेक टाकाऊ वस्तू पासून या पालघर जिल्हा मुख्यालयाची आकर्षक प्रतिकृती तयार करण्यात आली आहे.
पालघर जिल्हा मुख्यालय देशात सर्वात मोठे आणि सुसज्ज असे जिल्हा मुख्यालय समजले जाते,म्हणून सम्पूर्ण पालघर शहरात या देखावा प्रतिकृतीची जोरदार चर्चा सुरू असून या जिल्हा मुख्यालय देखावा प्रतिकृती साकारणाऱ्या गोठणपूर सार्वजनिक गणेशोत्सव मंडळ व तरुण सदस्यांचे शहरभर कौतुक केले जात आहे.या औद्योगिक टाकाऊ वस्तूंपासून पालघर जिल्हा मुख्यालयाची प्रतिकृती साकारणाऱ्या मंडळातील तरुणांमध्ये मंडळाचे अध्यक्ष दिनेश पांडुरंग बाबर,सचिव सूरज पांडुरंग बाबर,चंद्रकांत रिंजड,अनंता बाबर,अनिल धोडी,रफीक मुनाफ मेमन,सचिन काटेला,मंगेश नाईक, मंगेश बाबर, रिफाक मुनाफ मेमन,राकेश पराड,हर्षद राठोड तसेच अनेक युवा तरुणांचा उल्लेखनीय योगदान होता.