राजेंद्र पाटील राऊत
पेरू नदीकाठावर असलेल्या कलंबर (दे) येथील नदीवर पूल बांधून देण्याची निवेदनाद्वारे मागणी.
मुखेड तालुका प्रतिनिधी मनोज बिरादार (युवा मराठा न्यूज नेटवर्क)
तेरु नदीकाठावर असलेल्या कलंबर (दे) येथील नदीवर पूल बांधून देण्याची मागणी सार्वजनिक बांधकाम राज्यमंत्री ना.संजयजी बनसोडे साहेब यांच्याकडे निवेदनातून केली.नदीवर पूल नसल्यामुळे गावातील नागरिकांना नदीतून जीवघेणी वाहतूक करावी लागते.पूर,महापूर आल्यानंतर गावाचा संपर्क तुटतो.
या भागातील नेत्याकडून पुलाचे काम सुरू झाल्याचे सांगून अनेकवेळा भूमिपूजन करण्यात आले होते.ही जनतेची दिशाभूल करण्याचा भाग होता.पुलाचा प्रश्न न सोडवता केवळ जनतेच्या भावनेशी खेळण्यात आले.
कलंबर नदीवर पुलाची अत्यंत गरज आहे.मंत्री महोदय साहेबांनी या गंभीर प्रश्नाची दखल घेऊन नदीवर पूल बांधावा,अशी मागणी निवेदनाद्वारे करण्यात आली आहे.