राजेंद्र पाटील राऊत
सांगली,(शरद चव्हाण ब्युरो चीफ युवा मराठा न्युज नेटवर्क)- भारताचे ‘जलपुरुष’ म्हणून ख्याती असलेले, रॅमन मॅगसेसे पुरस्काराप्राप्त जगप्रसिद्ध जलतज्ज्ञ डॉ. राजेंद्र सिंह राणा साहेब यांनी आज सकाळी नांगोळे, ता. कवठेमहांकाळ, जि.- सांगली येथील मियावाकी घनवन प्रकल्पाला भेट दिली. प्रकल्पातील झाडांची जैवविविधता, त्यांची जलद वाढ, त्यात झालेली पक्ष्यांची घरटी इत्यादी पाहून डॉक्टरांना खूप आनंद झाला. त्यांनी संपूर्ण प्रकल्पाची माहिती घेऊन काही महत्वाच्या सूचनाही दिल्या. हा प्रकल्प जलबिरादरी आणि नेचर काँजरवेशन सोसायटी, सांगली यांच्या संयुक्त विद्यमाने राबविण्यात आलेला आहे. हा डोंगरउतारावर केलेला भारतातील तिसरा मियावाकी प्रकल्प आहे. या प्रसंगी जलबिरदारीचे महाराष्ट्र प्रभारी श्री. नरेंद्र चुघ, जिल्हा उपवनसंरक्षक श्री. विजय माने साहेब, कवठेमहांकाळचे तहसीलदार श्री. गोरे साहेब, जलसाक्षरता अभियानाचे प्रशिक्षक श्री. रमाकांत कुलकर्णी, विकिपीडिया स्थानिक भाषा तज्ज्ञ श्री. उपेंद्र कुलकर्णी इत्यादी मान्यवर उपस्थित होते.