राजेंद्र पाटील राऊत
हिंदुत्ववादी संघटनांची पोलीस ठाण्यात तक्रार पेठ वडगाव मध्ये चार जणांवर गुन्हा दाखल.
पेठवडगाव:(राहूल शिंदे ) येथील बेपारी गल्लीत गोवंश जनावरांची कत्तल केल्याप्रकरणी वडगाव पोलिसांनी चौघा जणांवर गुन्हा दाखल केलेला आहे तर सुमारे तीन लाख रुपये किमतीचे मांस भरलेला टेम्पो जप्त केला आहे. बेपारी गल्लीत गोहत्या केली जात असल्याची तक्रार हिंदुत्ववादी संघटनांनी केल्याने ती कारवाई करण्यात आली.
पोलीस यांच्याकडून मिळालेल्या माहितीनुसार बेपारी गल्लीतील सद्दाम बेपारी, मुन्ना बेपारी, हुसेन बेपारी, शफिक बेपारी यांनी विनापरवाना गोवंश जनावरांची कत्तल करून विक्रीसाठी साठा करून ठेवला होता तसेच काही गोवंश जनावरांना कत्तल करण्यासाठी एका खोलीत डांबून ठेवून क्रुरपणे वागणूक दिली होती त्यानुसार पोलीस अशोक जाधव यांनी फिर्याद दिल्याने गुन्हा नोंद झाला आहे. काही जनावरांना सोडून देण्यात आलेले आहे. त्यावेळेस हिंदुत्ववादी संघटनांनी भारत माता की जय जय भवानी जय शिवाजी जय श्रीराम बजरंग बली की जय अशा घोषणा देण्यात आल्या.
भाजपा, शिवप्रतिष्ठान, बजरंग दल, शिवसेना, युवा सेना या हिंदुत्ववादी संघटनांनी पोलीस निरीक्षक यांना दिलेल्या निवेदनात 12 जणांवर कारवाई ची मागणी केली आहे.
