🛑 खेड तालुक्यातील चोरवणे गडकरवाडी, शिंदे गावठण आणि सुतारवाडी मधील शेतकऱ्यांची शेती गेली वाहून 🛑

🛑 खेड तालुक्यातील चोरवणे गडकरवाडी, शिंदे गावठण आणि सुतारवाडी मधील शेतकऱ्यांची शेती गेली वाहून 🛑
✍️ खेड 🙁 विजय पवार महाराष्ट्र प्रतिनिधी युवा मराठा न्युज )

खेड /रत्नागिरी :- जिल्ह्यातील खेड तालुक्यापासून चोरवणे गाव ६५ किलोमीटर अंतरावर वसलेले आहे.

अतिशय दुर्गम आणि डोंगराळ भाग आहे आणि या भागात कायम अतिवृष्टी होत असते.२२जुलै ला तुफान अतिवृष्टी झाली होती.२२ जुलै रोजी संध्याकाळी ४ वाजता अतिवृष्टीमुळे अचानक गडकरवाडी येथील मानवी वसाहत असलेल्या समोरील धोकादायक डोंगर खचला आणि माती,दगड ,मोठी झाडे घरासमोर आली आहेत.

या परिस्थितीमुळे गडकरवाडी मधील शेतकरी विष्णु गुणाजी शिंदे,प्रकाश गोविंद शिंदे,जयराम हरी शिंदे यांच्या शेतीत माती,दगड आणि झाडे वाहून आली आहेत.तसेच चोरवणे शिंदे गावठण मधील शेतकरी रामचंद्र सखाराम शिंदे,केशव सखाराम शिंदे यांच्या शेतीत नदीने प्रवाह बदलल्यामुळे शेतीत पाणी घुसल्यामुळे संपूर्ण शेती वाहून गेली आहे आणि केशव सखाराम शिंदे यांच्या शेळीपालन व्यवसायाची शेड एका बाजूने वाहून गेली आहे.आणि चोरवणे सुतारवाडी मधील नदीचे पाणी शेतीत आल्यामुळे दत्ताराम मेस्त्री, राजाराम मेस्त्री,आत्माराम मेस्त्री, राजाराम मेस्त्री,पांडुरंग मेस्त्री, विष्णु मेस्त्री या शेतकऱ्यांची शेती वाहून गेली आहे.वरील सर्व शेतकऱ्यांची शेती नापीक झाली आहे.तसेच चोरवणे धनगरवाडी मधील रहिवासी श्री.बबन बर्गे यांचा गुरांचा वाडा आणि घर एक साईटने वाहून गेले आहे,तसेच राहिलेल्या घरावर आंब्याचे झाड कोसळून घर उध्वस्त झाले आहे.तसेच घराच्या बाजूला जमिनीला भेगा गेल्या आहेत. बबन बर्गे यांचे कुटूंब बेघर झाले आहे तरी शासनाने दखल घेऊन त्यांच्या राहण्याची पर्यायी व्यवस्था करावी आणि कायमस्वरूपी घर आणि वाडा बांधून देण्यात यावा.

शासनाने येऊन पंचनामा करून वरील सर्व शेतकऱ्यांना त्यांची झालेली नुकसान भरपाई मिळावी अशी मागणी ग्राम विकास मंडळ चोरवणे मुंबई पुणे यांच्या वतीने व चोरवणे ग्रामस्थांच्या वतीने करत आहोत.⭕