राजेंद्र पाटील राऊत
नाशिक -(राजेंद्र वाघ प्रतिनिधी युवा मराठा न्युज नेटवर्क)
संस्थेच्या शाळांना मंजूर झालेल्या २० टक्के अनुदानाप्रमाणे नियमित वेतन सुरू करण्याबाबतचा
कार्यादेश काढून देण्याकरिता ८ लाखांची लाच स्वीकारताना जिल्हा परिषदेच्या माध्यमिक शिक्षणाधिकारी वैशाली पंकज वीर यांच्या वाहन चालकास ठाणे येथील लाचलुचपत विभागाच्या पथकाने रंगेहाथ पकडले. याप्रकरणी गुन्हा दाखल करण्यात आला आहे.
यातील तक्रारदार यांच्या संस्थेच्या शाळांना मंजूर झालेल्या २० टक्के अनुदानाप्रमाणे नियमित वेतन सुरू करण्याबाबतचा कार्यादेश काढून देण्याकरिता राजेवाडी येथील प्राथमिक शिक्षक पंकज रमे दशपुते यांनी जिल्हा परिषदेच्या माध्यमिक शिक्षणाधिकारी वैशाली वीर यांचेसाठी ९ लाखांची मागणी केली होती. तक्रारदार यांनी पडताळणी केली असता वैशाली वीर यांना तडजोडी अंती ८ लाख रुपये देण्याचे ठरले. काल मंगळवार दि.१० ऑगस्ट रोजी वैशाली वीर यांचे वाहनचालक ज्ञानेश्वर सूर्यकांत येवले यांना वीर यांचेसाठी ८ लाख रुपये स्वीकारताना ठाणे येथील लाचलुचपत प्रतिबंधक विभागाच्या पथकाने रंगेहाथ पकडले.
याकामी लाचलुचपत प्रतिबंधक विभागाचे ठाणे परिक्षेत्राचे पोलिस अधीक्षक डॉ. पंजाबराव उगले यांच्या मार्गदर्शनाखाली सापळा अधिकारी श्रीमती पल्लवी ढगे पाटील यांचेसह पोहवा मोरे , लोटेकर पोना शिंदे, अश्विनी राजपूत, पोशी सुतार, पोहवा शिंदे या पथकाने कारवाई केली.
