🛑 दुकानावर डल्ला मारला पण गल्ला रिकामाच; निराश चोरट्यांनी काजू बदामावर मारला ताव, पुण्यातील घटना 🛑

🛑 दुकानावर डल्ला मारला पण गल्ला रिकामाच; निराश चोरट्यांनी काजू बदामावर मारला ताव, पुण्यातील घटना 🛑
✍️ पुणे 🙁 विलास पवार पुणे ब्युरो चीफ युवा मराठा न्युज )

पुणे :- पुण्यातील सॉलसबरी परिसरात एक विचित्र घटना समोर आली आहे. येथील एका ड्रायफ्रुटच्या दुकानावर चोरट्यांनी दरोडा टाकल्यानंतर, त्यांच्या हाती काहीच पैसे लागले नाहीत.

त्यामुळे निराश चोरट्यांनी दुकानातील काजू बदामावर ताव मारल्याचं समोर आलं आहे. चोरट्यांनी दुकानात बसूनचं शेकडो रुपयांचे काजू बदाम खाल्ले आहेत. याप्रकरणी पीडित दुकानदारानं स्वारगेट पोलीस ठाण्यात फिर्याद दाखल केली आहे. चोरट्यांचा प्रताप ऐकून पोलीसही चक्रावले आहे. पोलिसांनी या घटनेचा तपास सुरू केला आहे.

धवन बाबुलाल श्रीमाल असं फिर्याद दाखल करणाऱ्या दुकानदाराचं नाव आहे. सॅलसबरी पार्क परिसरातील रोहन अपार्टमेंटमध्ये फिर्यीदी धवन याचं ड्राय फ्रुट्स विक्रीचं दुकान आहे. गुरुवारी रात्री चोरट्यांनी त्यांच्या दुकानावर डल्ला मारला आहे. चोरटे दुकानाचं शटर उचकटून आत शिरले मात्र दुकानातील गल्ल्यात काहीच पैसे आढळले नाहीत.चोरट्यांनी दुकानात बसून काजू आणि बदामवर ताव मारला आहे. भूक भागल्यानंतर चोरट्यांनी तब्बल 9 हजार रुपयांचा ऐवज लंपास केला आहे.

दुसऱ्या दिवशी सकाळी आपल्या दुकानात चोरी झाल्याचं लक्षात येताच धवन बाबुलाल श्रीमाल यांनी स्वारगेट पोलीस ठाण्यात चोरी झाल्याचा गुन्हा दाखल केला आहे. संबंधित चोरट्यांबद्दल अद्याप कोणताही पुरावा पोलिसांच्या हाती लागला नाही. पोलीस परिसरातील विविध सीसीटीव्ही कॅमेऱ्याच्या आधारे चोरट्याचा तपास करत आहेत. या घटनेचा पुढील तपास पोलीस करत आहेत.⭕