राजेंद्र पाटील राऊत
🛑 दोन कोटींची लाच मागणाऱ्या DYSP च्या घरावर छापा ; मिळाली इतकी रक्कम 🛑
✍️ मुंबई 🙁 विजय पवार महाराष्ट्र प्रतिनिधी युवा मराठा न्युज )
मुंबई :⭕ परभणीतील उपविभागीय पोलिस अधिकारी व पोलिस नाईकाला दोन कोटी रुपयांची लाच मागितल्याच्या आरोपाखाली मुंबई लाचलुचपत प्रतिबंधक विभागाने (ACB) अटक केली.
तक्रारदार व्यावसायिकाची एक ध्वनिफीत प्रसारित झाली होती. त्यावरून तक्रारदाराविरोधात कारवाई न करण्यासाठी लाच मागितल्याचा त्यांच्यावर आरोप आहे. अटकेनंतर एसीबीने अधिकाऱ्याच्या दादर येथील फ्लॅटमध्येही शोधमोहीम राबवली. तेथून सुमारे २५ लाखांची रोख जप्त करण्यात आली.
परभणीतील सेलू विभागाचे उपविभागीय पोलिस अधिकारी राजेंद्र पाल (५५) व पोलिस नाईक गणेश चव्हाण (३७) अशी अटक आरोपींची नावे आहेत. ३ मे रोजी तक्रारदाराच्या मित्राचा दुर्घटनेत मृत्यू झाला होता. याप्रकरणी परभणीतील सेलू पोलिस ठाण्यात निष्काळजीचा गुन्हा दाखल केला होता. त्यात एकाला स्थानिक पोलिसांनी अटकही केली होती.
त्यावेळी तक्रारदाराने त्याच्या कर्मचाऱ्याच्या दूरध्वनीवरून मृत मित्राच्या पत्नीला दूरध्वनी केला होता. त्यात काही वादग्रस्त संवाद झाले. ते संभाषण या कर्मचाऱ्याच्या मोबाईलमध्ये रेकॉर्ड झाले.
त्यानंतरही पाल तक्रारदाराला नियमित दूरध्वनी करून पैशांची मागणी करत होते.
ही रक्कम देण्याची इच्छा नसल्यामुळे अखेर तक्रारदाराने याप्रकरणी थेट मुंबई एसीबी व महासंचालक कार्यालयात येऊन याबद्दल तक्रार केली.
या तक्रारीची पडताळणी केल्यानंतर मुंबई एसीबीच्या पथकाने सापळा रचून प्रथम पाल यांचा सहकारी पोलिस नाईक चव्हाणला लाचेचा पहिला १० लाखांचा हप्ता स्वीकारताना शुक्रवारी रात्री अटक केली. त्यानंतर पाल यांनाही शनिवारी पहाटे याप्रकरणी अटक केली. या अटकेनंतर पालच्या मुंबईतील दादर येथील निवासस्थानी शोधमोहीम राबवण्यात आली.
तेथे २४ लाख ८४ हजारांची रक्कम सापडली. त्यामुळे याप्रकरणी असंपदेचा गुन्हाही दाखल करता येऊ शकतो का, याबाबत एसीबी पडताळणी करत आहे. ⭕
