देगलूर तालुक्यातील करडखेडचे तलाव एकाच पावसामुळे भरले १०० टक्के
नांदेड प्रतिनिधी / राजेशNभांगे
नांदेड जिल्ह्यात मंगळवार १३ जुलै २०२१ रोजी सकाळपासून ते संध्याकाळपर्यंत गत २४ तासात सरासरी १९.६ मिलिमीटर पावसाची नोंद झाली असून, जिल्ह्यात दिवसभरात एकूण १५६.३ मिलिमीटर पाऊस झाला आहे. देगलूर तालुक्यातील करडखेड तलावातून देगलूर येथे वॉटर सप्लाय असल्यामुळे देगलूर वासियांचा जीवन-मरणाचा पाण्याचा प्रश्न एकाच पावसामुळे पूर्ण तलाव भरल्यामुळे सध्यातरी मिटला आहे. गेल्या १५ ते २० दिवसापासून नांदेड जिल्ह्यात पावसाने तडी दिला होता. पण गेल्या चार दिवसापासून पावसाने दमदार हजेरी लावल्यामुळे बिलोली तालुक्यातील व देगलूर तालुक्यातील व सर्व नांदेड जिल्ह्यातील सर्व नदी, नाले, तलाव तुडुंब भरून वाहत आहेत. या पावसामुळे बळीराजा जगाचा पोशिंदा सध्यातरी सुखावलेला आहे.