राजेंद्र पाटील राऊत
मराठा आरक्षण प्रश्न सत्ताधारी व विरोधक एकत्रपणे प्रयत्न करत नाहीत – खा. छत्रपती संभाजीराजे
संग्राम पाटील तांदळीकर
मुखेड तालुका शहर प्रतिनिधी
सर्वोच्च न्यायालयाने मराठा आरक्षण नाकारले असलेतरी मराठा आरक्षण मिळावे यासाठी सत्ताधारी व विरोधाक एकत्रपणे प्रयत्न करत नाहीत. ते एकमेकांना दोष देत टिका करण्याचे काम करत असल्याचा आरोप खा. छत्रपती संभाजीराजे यांनी केला आहे.
मराठा आरक्षण बाबत अभ्यासकांची व समाज बांधवांची मते जाणून घेण्यासाठी खा. छत्रपती संभाजीराजे महाराष्ट्र दौऱ्यावर आसून आज मंगळवार (ता.२५) रोजी नांदेड येथे आले होते. यादरम्यान आयोजित पत्रकार परिषदेत ते बोलत होते. पूढे बोलताना ते म्हणाले की, यापूर्वी ५८ मराठा मोर्चे निघालेले आहेत त्यातून समाजाच्या भावना कळल्या आहेत. तेव्हा आता आंदोलने नकोत अशी आमची भूमिका आहे. घटना दुरुस्ती व्हावी की पुनर्विचार व्हावा याबद्दल निर्णय घेणे गरजेचे आहे. मराठा आरक्षण सत्ताधारी विरोधक यांच्या आमदार खासदार यांनी एकत्रित येवून प्रयत्न करण्याचा विषय आहे. मात्र दुर्दैवाने तसे न होता केवळ एकमेकांनवर टिका करण्यात येत आहेत. न्यायालयात आरक्षण रद्द झाले हे खरे आहे. का रद्द झाले कोणामुळे रद्द झाले ह्या बदल भूमिका मांडण्यासाठी नव्हे तर आता मार्ग काय काढायचा याबदल मी दौऱ्यावर आहे असे ते म्हणाले. दौऱ्याअंती काय ती भूमिका आपण घेणार आहेत असे देखील ते म्हणाले. यावेळी मराठा समाजातील विविध संघटनेचे पदाधिकारी उपस्थित होते.
