राजेंद्र पाटील राऊत
कोरोना काळात के.बी.एच.च्या
विद्यार्थ्यांचे अनोखे उतरदायीत्व!
(युवा मराठा न्युज नेटवर्क)
मालेगांव- सध्या कोरोना महामारी संकटात सगळेच जण त्रस्त झालेले असून,प्रत्येक जण आर्थिकदृष्ट्या विवचेंनत सापडला आहे.या गोष्टींचा विचार करत मालेगांव शहरातल्या के.बी.एच.महाविद्यालयाच्या सन २००३ च्या बँचच्या माजी विद्यार्थ्यांनी एकत्रित येत आपल्या मित्रांकडून आर्थिक मदत जमा करुन मालेगांव शहरातील गोरवाडकर यांच्या सहकार्यातून सुरु असलेल्या आनंद प्रसाद या सामाजिक कार्याला या विद्यार्थ्यांनी सुमारे बावन्न हजार रुपयांची आर्थिक मदत एका धनादेशाव्दारे नुकतीच प्रदान केली आणि आपले सामाजिक उतरदायीत्व किती भक्कम आहे हे सिध्द करुन दाखविले त्यामुळे या विद्यार्थ्यांचे सर्वत्र कौतुक होत आहे.
मालेगांवच्या आनंद प्रसाद या सामाजिक कार्य करणाऱ्या परिवारामार्फत अनेक विधायक कार्य केले जातात त्यामुळे कोरोना काळात आपण आनंद प्रसाद परिवाराकडे दिलेली मदत निश्चितच सत्कारणी लागणार असल्याची भावना शेवटी के.बी.एचच्या माजी विद्यार्थ्यांनी “युवा मराठा न्युज” शी बोलताना व्यक्त केली.