राजेंद्र पाटील राऊत
मुखेड तालुक्यातील मौजे जाहूर येथे प्रशासकीय अधिकारी श्री रामदास पाटील सुमठाणकर यांच्या वाढदिवसाचे औचित्य साधून रक्तदान शिबिर संपन्न..
मुखेड तालुका प्रतिनिधी मनोज बिरादार (युवा मराठा न्यूज नेटवर्क)
मुखेड तालुक्यातील मौजे जाहूर येथे आज दिनांक 12 एप्रिल रोजी प्रशासकीय अधिकारी श्री रामदास पाटील सुमठाणकर यांच्या वाढदिवसाचे औचित्य साधून भव्य रक्तदान शिबिराचे आयोजन करण्यात आले. “गरजूंसाठी मदतीचा हात” या उपक्रमा अंतर्गत हिंगोली जिल्ह्याचे प्रशासकीय अधिकारी श्री रामदास पाटील सुमठाणकर यांच्या वाढदिवसानिमित्त रामदास पाटील सुमठाणकर मित्र परिवाराच्या वतीने आज सकाळी ठीक दहा वाजता ग्रामपंचायत कार्यालय जाहूर येथे भव्य रक्तदान शिबिर सुरू करण्यात आले. दिवसेंदिवस रक्ताचा तुटवडा जाणवत असून गाव तिथे कोरोनाचे असंख्य रुग्ण सापडत असल्याने प्रशासनासह सामान्य नागरिकांची झोप उडाली आहे. त्यातच नांदेड जिल्ह्यात सर्वाधिक रुग्ण सापडत असल्याने त्याचा मोठा फटका रक्तसंकलनावर वर पडला आहे. कोरोनाच्या भितीमुळे रक्तदान शिबिर होत नसल्याने रुग्णांना रक्त उपलब्ध होत नसल्यामुळे रुग्णांना जीव गमवावा लागत आहे. रक्ताच्या एका पिशवी साठी नातेवाईकांना रक्तपेढीचे उंबरठे झिजवावे लागत आहे. तरीही रक्त मिळत नसल्याने मृत्यूस सामोरे जावे लागत असल्याने अशा कठीण काळात रक्ताचा तुटवडा भरून काढण्यासाठी रामदास पाटील सुमठाणकर मित्र परिवाराच्या वतीने रामदास पाटील सुमठाण कर यांचा वाढदिवस जल्लोषात साजरा न करता सामाजिक बांधिलकी जोपासत जाहूर येथे भव्य रक्तदान शिबिराचे आयोजन करून वाढदिवस अगदी साध्या पद्धतीने साजरा करण्याचा निर्णय घेण्यात आला. यात 18 रक्तदात्यांनी रक्तदान करून सामाजिक बांधिलकी जोपासली.