खार्डी गावात रेती उपसा जोरात,रेती माफिया सक्रिय.
विभागिय संपादक पालघर वैभव पाटिल
पालघर: खार्डी ता.पालघर येथील सरपंचानी वाळू उपसा करीत असलेल्या वाळू माफियांवर कारवाही करत वाळू जप्त करून ग्रामपंचायत खार्डी मध्ये जमा केली आहे. काही रेती व्यावसायिक व गावकरी ह्यांनी मिळून सरपंच खार्डी ह्याच्यावर वाळू उपसा करिता कुंडी तयार करून खाडी भागातील कांदनवन नष्ट केल्याच्या आरोप करीत कांदनवन कक्ष वनपर्यवेक्षक सफाळे ह्यांच्या कडे तक्रार दाखल केली आहे. मात्र सरपंचांनी सदर आरोपाचे खंडन केले आहे.
ग्रामपंचायत खार्डी हद्दी मध्ये सरपंच यांनी कारवाही करून वाळू जप्त केली आहे.मात्र वाळू उपसा करणारे पळून गेल्याने वाळू उपसा करणाऱ्याची ओळख पटलेली नाही खार्डी गावात मोठ्या प्रमाणावर वाळू वाहतूक होत असून रेती माफियांनी वाळूसाठा करून ठेवल्याचे निदर्शनास आले आहे.सर्वे क्र. ६०५ लगत जयवंत शांताराम भोईर याच्या ताब्यात असलेल्या जागेत मोठ्या प्रमाणात रेतीसाठा केल्याचा आढळून आले आहे.तलाठी मंडळ अधिकारी याच्यावर लवकरच कारवाही करतील अशी अपेक्षा खार्डी गावचे सरपंच राजेश घरात यांनी व्यक्त केली आहे.
रेती उपसा करणाऱ्यावर कारवाही केली म्हणून माझ्याविरुद्ध षडयंत्र करून खोटा आरोप करण्यात येत आहे.
सरपंच, खार्डी ग्रामपंचायत, राजेश घरात.
लवकरच,,,
खार्डी गावातील शासकीय जमिनी लाटनार्या भूमाफियावर वरदहस्त कुणाचा…