राजेंद्र पाटील राऊत
सटाणा नगरपरिषदेला पडला विसर कोनशिलेचा
राजेंद्र देवरेचे उपोषण आंदोलन सुरु…..!
(दावल पगारे प्रतिनिधी युवा मराठा न्युज नेटवर्क)
लखमापूर,दि.१६– सटाणा शहरातल्या बस स्थानकासमोरील महात्मा ज्योतीबा फुले पुतळा अनावरण प्रसंगी पुतळ्याला लावण्यात आलेली कोनशीला नेमकी कुठे टाकली याचाच विसर सटाणा नगरपालिकेला पडल्याने,आता नवीनच वाद उफाळून आला आहे.
पुढील महिन्यात ११एप्रिलला महात्मा ज्योतिबा फुले यांची जयंती साजरी होत असतानाच सदरची कोनशीला गायब होण्यामागचे नेमके रहस्य काय?असा सवाल आता सटाणावासिय उपस्थित करीत आहेत.
वास्तविक सन १९७१ ते ७३ या सालात कै.कृष्णा नानाजी देवरे,सदस्य जयराम गंगाराम वाणी,नारायण केदू येवला,वेदूनाथ गणपत मोरे,पांडूरंग संपत सोनवणे,पांडूरंग नथू मोरे,श्रीमती विठाबाई यशवंत महिरे आदिच्या कार्यकाळात सदरची कोनशीला पुतळ्याला होती.
मात्र गत एक वर्षापुर्वी पुतळा सुशोभिकरणाच्या नावाखाली सटाणा नगरपरिषदेने ज्या लोकप्रतिनिधीनी सटाणा शहराच्या वैभवात भर टाकण्यासाठी योगदान दिले त्याचीच कर्तबगारी असलेली कोनशीला गायब करुन,विद्यमान लोकप्रतिनिधीच्या नावाची कोनशीला बसविली.
हा त्या लोकप्रतिनिधीचा अपमान असून,नगरपरिषदेने तात्काळ सटाणा शहरवासियांची माफी मागून पुर्वीची असलेली कोनशीला सन्मानपुर्वक बसवावी या मागणीसाठी सामाजिक कार्यकर्ते राजेंद्र दामू देवरे यांनी सटाणा नगरपालिकेसमोर उपोषणास सुरुवात केल्याने नगरपालिका प्रशासनाची चांगलीच ताराबंळ उडाली आहे. (बातम्या जाहिरातीसाठी संपर्क 9075750003)
