राजेंद्र पाटील राऊत
पीएम मोदी यांची उद्या व्हिडिओ कॉन्फरन्सिंगद्वारे मुख्यमंत्र्यांसमवेत बैठक
दिल्ली : कोरोना विषाणूच्या संसर्गाच्या पार्श्वभूमीवर पंतप्रधान मोदींनी पुन्हा एकदा सर्व राज्यांच्या मुख्यमंत्र्यांची बैठक बोलावली आहे.
१७ मार्च रोजी होणाऱ्या या बैठकीत पंतप्रधान मोदी कोरोनाची वाढती प्रकरणे आणि लसीकरणावर भर देण्याबाबत चर्चा करतील. यावेळी पंतप्रधान मोदी कोरोनाची लढाई आणि लसीकरण मोहिमेवर मुख्यमंत्र्यांचे अभिप्राय देखील घेतील.
पीएम मोदी १७ मार्च रोजी दुपारी १२:३० वाजता व्हिडिओ कॉन्फरन्सिंगद्वारे मुख्यमंत्र्यांसमवेत बैठक घेतील. कोरोनाचा प्रादुर्भावसोबतच पंतप्रधान मोदी देशात लसीकरण सुरू झाल्यानंतर प्रथमच मुख्यमंत्र्यांशी चर्चा करणार आहेत.
अशा परिस्थितीत पंतप्रधान राज्यांमधील लसीकरणाची प्रगती व त्यातील अडचणींचा आढावा घेतील. महाराष्ट्र, पंजाब, कर्नाटक, गुजरात आणि तामिळनाडूमध्ये कोरोना संसर्गाची नवीन प्रकरणे वाढली आहेत.
गेल्या २४ तासांत देशात २६ हजारांहून अधिक नवीन प्रकरणे आढळून आली असून, त्यापैकी ७८ टक्के प्रकरणे या पाच राज्यातील आहेत. त्याचबरोबर यापैकी ६३टक्के पेक्षा जास्त प्रकरणे केवळ महाराष्ट्रात आढळली आहेत.
आकडेवारीनुसार, ८५ दिवसांनंतर देशात सर्वाधिक नवीन रुग्ण आढळले आहेत. यापूर्वी २० डिसेंबर रोजी २४ तासांत २६,६२४नवीन प्रकरणे नोंदवली गेली होत्ती. केंद्रीय आरोग्य मंत्रालयाने सोमवारी जाहीर केलेल्या आकडेवारीनुसार, विषाणूमुळे ११८ रूग्णांचा मृत्यू झाल्यानंतर देशात मृतांचा आकडा १,५८,७२५ झाला आहे.