राजेंद्र पाटील राऊत
🛑 शौर्य फाऊंडेशन या समाजसेवी संस्थेमार्फत टिटवाळा मधील आदिवासी भागात सॅनिटरी नॅपकिन्स आणि मास्कचे वाटप करण्यात आले 🛑
✍️ कल्याण 🙁 विजय पवार महाराष्ट्र प्रतिनिधी युवा मराठा न्युज )
कल्याण:-⭕स्त्रियांची दोन रुपे समाजात सतत वावरत असतात.
एक शौर्यमय दुर्गेचे आणि दुसरे सोशीक मातेचे. स्त्रीचे पांग फेडण्याचा एक तिच्या हक्काचा दिवस म्हणजेच महिला दिन.
या वर्षीच्या महिला दिनानिमित्त शौर्य फाउंडेशन या समाजसेवी संस्थेमार्फत टिटवाळानजीक वसलेल्या कोनावाडी आदिवासी भागातील महिलांना सॅनिटरी नॅपकिन्स तसेच डेटॉल साबण व मास्कचे मोफत वितरण करण्यात आले.यासोबतच शौर्य फाऊंडेशनच्या वतीने ठाणे शहर पोलीस उप-आयुक्तालय, वाहतूक शाखा येथे ज्यांच्यामुळे शहरातील कायदा-सुव्यवस्था टिकून राहते त्या पोलीस भगिनींकरीता सॅनिटरी नॅपकिन्सचे बॉक्स भेट म्हणून देण्यात आले.यावेळी माझा होशील ना फेम अभिनेत्री गौतमी देशपांडे यांची देखील उपस्थिती लाभली तसेच उपस्थित सर्वांनीच शौर्य फाऊंडेशनच्या उपक्रमाचे कौतुक केले.
या उपक्रमात प्रामुख्याने फाऊंडेशनचे सोहम चव्हाण, जयेश ढोकणे, सागर चव्हाण, सिद्धी चासकर, दुर्गेश माशेरे, कोमल राऊत, मंदार कांबळे, ज्योती चोरगे, स्नेहल सुतार, आदित्य गायकवाड यांचा सहभाग राहिला. ⭕