राजेंद्र पाटील राऊत
दत्त नागरी पतसंस्थेची ३१ वी वार्षिक सभा
कोल्हापूर : घुणकी ता.१८ :नवे पारगाव येथील दत्त नागरी पतसंस्थेस ७ लाख ९८ हजार रुपयांचा नफा झाला असून सभासदांना जागा खरेदी व इमारत बांधकामासाठी कर्ज रु.५ लाखांपर्यंत १३ टक्के व्याजदराने देणार असल्याचे संस्थापक प्रभाकर साळुंखे यांनी सांगितले.
नवे पारगाव येथील दत्त नागरी पतसंस्थेची ३१ वी वार्षिक सभा खेळीमेळीत झाली. यावेळी श्री. साळुंखे बोलत होते. अध्यक्षस्थानी अध्यक्ष आप्पासाहेब हुजरे होते.
दत्त व (कै.) शंकरराव साळुंखे (गुरुजी) यांच्या प्रतिमेचे पूजन झाले. श्रध्दांजली ठरावाचे वाचन अनिल सुतार यांनी केले.
उपाध्यक्ष संजय पाटील यांनी स्वागत करुन संस्थेच्या वाठार, ताराबाई पार्क, कळंबा- कोल्हापूर येथे शाखा आहेत. २१ कोटींच्या ठेवी,१३ कोटींची कर्जे, ७ कोटींची गुंतवणूक आहे. मयत सभासदांना ५०० रुपये मदत, माफक दरात पिण्याचे पाणी, माफक दरात सभागृह भाड्याने असल्याचे सांगितले.
मँनेजर शरद जमदाडे यांनी विषयवाचन केले. सभासदांनी सर्व विषय एकमताने मंजूर केले.
यावेळीअध्यक्ष आप्पासाहेब हुजरे, शाखाध्यक्ष कृष्णात बोरुडे, बी.डी.पाटील, एस. एस सुतार, संचालक सुर्यंकांत शिर्के, नंदकुमार मराठे, जगन्नाथ पाटील, राजेंद्रकुमार पाटील, अनिल सुतार, बाळासाहेब परीट, मोहिते सर, भारती जाधव, सल्लागार जयसिंग पाटील, बाबूराव चौगुले, युवराज शिंदे, उपस्थित होते.
संचालक सुर्यंकांत शिर्के यांनी आभार मानले.
युवा मराठा न्युज नेटवर्क .