राजेंद्र पाटील राऊत
देगलूर येथील त्या प्रभागातील प्रश्न तत्काळ न सोडविल्यास मतदानावर बहिष्कार टाकत तीव्र जनांदोलन छेडू ; अशोक कांबळे देगलूरकर
नांदेड, दि. १६ – राजेश एन भांगे /युवा मराठा न्युज नेटवर्क
देगलूर येथील प्रभाग क्र. ११ मधील शिवनेरी नगरात जवळपास ३० वर्षापासून रास्ता तर आहे पण
रस्त्यात खड्डा की खड्यात रास्ता हेच कळायला मार्ग नाही नागरिक चालु शकतील असा एखादा पक्का रस्ता नाही, आणि दोन दोन जलकुंभ उशाला अन् कोरड घश्याला अशी अवस्था असून.
येथील मोकळ्या प्लॉटस् मधील साचलेल्या पाण्यामुळे चिखल होऊन हिंन्स प्राण्याचे (साप, विंचू, खेकडे, इंगळी ) इत्यादी घातक जीव जंतू घरात घुसून जीवित हानी होण्याची भीती नागरिकांना निर्माण झाली आहे व तसेच विद्युत खांब च्या अभावांमुळे रात्रीची दिवा बत्तीची देखील सोय नाही.
तर आरक्षित मोकळी जागा ही चोरीला गेल्याने येथील अबाल वृद्धांना बसण्यास, खेळण्यास, मोकळा श्वास घेण्यास सुद्धा जागा उरली नसून.
येथील जनसामान्य अबाल वृद्ध नागरिकांना अशा अनेक
नागरी असुविधांमुळे नाहक त्रास सहन करावा लागत आहे.
तरी नागरिकांना होत असलेल्या नागरी असुविधां बद्दल गांभीर्याने घेत तत्काळ दोन महिन्यांच्या आत सदरील या मागण्या ( प्रश्न ) मार्गी लवण्यात याव्यात
अन्यथा येणाऱ्या पालिका निवडणुकीत मतदानावर बहिष्कार टाकत प्रभागातील लोकां समवेत तीव्र जानांदोलन छेडण्यात येईल असा इशारा देगलुर नगर परिषदेचे मुख्याधिकारी श्री ईरलोड व तहसीलदार श्री गुंडमवार यांना भारतीय जनता पार्टी युवा मोर्चा देगलूर शहराध्यक्ष अशोक कांबळे देगलूकर यांनी निवेदना द्वारे दिले आहे.
