राजेंद्र पाटील राऊत
मुखेड तालुक्यातील मौजे जाहुर येथे दिव्यांग, वृद्ध, निराधार बांधवांचा मेळावा संस्थापक अध्यक्ष चंपतराव डाकोरे पाटील कुंचेलीकर यांच्या अध्यक्षतेखाली संपन्न…
मुखेड तालुका प्रतिनिधी मनोज बिरादार (युवा मराठा न्यूज नेटवर्क)
मुखेड तालुक्यातील मौजे जाहूर येथे दिनांक 10 फेब्रुवारी रोजी दिव्यांग निराधार वृद्ध बांधवांचा मेळावा आयोजित करण्यात आला होता. दिव्यांग निराधार मंडळ महाराष्ट्र संस्थापक अध्यक्ष श्री चंपतराव डाकोरे पाटील कुंचेलिकर यांनी आपले विचार मांडले.शासनाने अनेक वेळा दिव्यांगाचे कायदा करून सुद्धा अनेक योजना फक्त कागदोपत्रीच असल्याकारणाने त्यांची अंमलबजावणी व्हावी म्हणून नांदेड जिल्ह्यातील दिव्यांग निराधार संघटनेचे संस्थापक अध्यक्ष यांनी अनेक दिव्यांग संघटनेने आंदोलन केले.गाव तिथे शाखा दिव्यांग संघटनेच्या बोर्डाची शाखा स्थापन करून संघटित व्हा आणि संघर्ष केल्याशिवाय न्याय मिळणार नाही.दिव्यांग आणि आपल्या शरीरातील व्यंग असल्यामुळे खचून न जाता दिव्यांग बुद्धीने चातुर्य असून त्या बुद्धीचा वापर करून” दिव्यांग होने का गम नही हम किसीसे कम नही,”हे दाखविण्यासाठी संघर्षाने सामील होऊन आपला हक्क मिळवून घेण्यासाठी संघटित व्हावे शिका ,संघटित व्हा, संघर्ष करा या उक्तीप्रमाणे संघर्ष केल्याशिवाय हक्क मिळत नाही असे आवाहनही त्यांनी यावेळी केले.यावेळी परिसरातील दिव्यांग बांधवांनी मोठी हजेरी लावली होती. यावेळी हेमंत पाटील राजूरकर, राम किशन कांबळे ( तालुकाध्यक्ष), गंगाधर पंदनवाड (अपंग महासचिव मुखेड), बजरंग भाऊराव पाटील पाळेकर, पुंडलिक नागोराव जंगमवाड राजूरकर, माधव सायलू रावण पल्ले, गोपाळ पाटील हिवराळे (प्रहार संघटना तालुका सचिव), लक्ष्मण आत्माराम पाटील बोडके व परिसरातील दिव्यांग बांधव मोठ्या संख्येने उपस्थित होते.