राजेंद्र पाटील राऊत
युवा मराठा न्युज चँनल महाराष्ट्र
कार्यालयाचे मुंबईत उदघाटन संपन्न!
(विजय पवार महाराष्ट्र प्रतिनिधी युवा मराठा न्युज नेटवर्क)
मुंबई -युवा मराठा वृतपत्र आणि न्युज चँनल महाराष्ट्रच्या मुंबई कार्यालयाचे उदघाटन काल मोठया दिमाखात व उत्साहात संपन्न झाले.
काल राजमाता जिजाऊ जयंतीदिनाचे औचित्य साधून युवा मराठा न्युज चँनलच्या कार्यालयाचे उदघाटन ठाणे शहरातील कासम आर्कड,पाचवा मजला, जांभळी नाका येथे पार पडले.भारतीय मराठा महासंघाचे राष्ट्रीय अध्यक्ष डाँ.अप्पासाहेब आहेर यांच्या हस्ते हा उदघाटन समारंभ मोठया दिमाखात व उत्साही वातावरणात साजरा झाला.
या उदघाटन सोहळा कार्यक्रमास भारतीय मराठा महासंघाचे प्रदेशाध्यक्ष बन्सीदादा डोके,युवा मराठाचे मुख्य संपादक राजेंद्र पाटील राऊत,व्यवस्थापकीय संपादक श्रीमती आशाताई बच्छाव,पत्रकार जयवंत धांडे,दिलीप चव्हाण,निलेश भोये,जगदिश बधान,दावल पगारे,दिपक भावसार,विशाल बच्छाव,आंशूराज पाटील राऊत,विजय पवार,योगेश पवार मुंबई ,वैभव पाटील पालघर,अरुण कुंभार रायगड,बालाजी पाटील नांदेड,मोहन शिंदे कोल्हापूर,सिध्दांत चौधरी पुणे,राजेश कदम बीड ,कुसूमताई चंद्रमोरे कल्याण,श्री.तिरमळे सरपंच शहापूर पार्थ पवार मुंबई आदी मान्यवर बहुसंख्येने उपस्थित होते.
यावेळी पत्रकार ओळखपरिचय कार्यक्रम पार पडला.तर मान्यंवराची समयोचीत भाषणे पार पडलीत.
कोल्हापूर येथील युवा मराठा न्युजचे ब्युरो चीफ मोहन शिंदे यांनी मुख्य संपादक राजेंद्र पाटील राऊत यांना श्रीगणेशाची प्रतिमा भेट देऊन सन्मानीत केले.
याप्रसंगी युवा मराठा न्युजच्या विभागीय संपादक श्रीमती आशाताई बच्छाव यांची भारतीय मराठा महासंघाच्या नाशिक जिल्हा महिला आघाडी अध्यक्षपदी तर मोहन शिंदे यांची कोल्हापूर जिल्हाध्यक्षपदी आणि वैभव पाटील यांची पालघर जिल्हाध्यक्ष म्हणून यावेळी नियुक्ती करण्यात आली.
कालपासून सुरु करण्यात आलेल्या मुंबई कार्यालयाचे प्रमुख म्हणून डाँ.अप्पासाहेब आहेर यांची नियुक्ती करण्यात आली.