राजेंद्र पाटील राऊत
व-हाणे ग्रामपंचायतीचा सावळा गोंधळ शासकीय योजनेचे तीन तेरा नऊ बारा !
(राजेंद्र पाटील राऊत युवा मराठा न्युज नेटवर्क)
मालेगांव- मालेगाव तालुक्याच्या राजकारणात अग्रेसर म्हणून ओळखल्या जाणाऱ्या व-हाणे ग्रामपंचायतीचा अजब गजब कारभार चव्हाट्यावर आला असून शासकीय योजनेचे तीन तेरा नऊ बारा वाजविल्याचा प्रकार येथे उघड झाला आहे.
मालेगांव मनमाड रोडवर असलेल्या व-हाणे ग्रामपंचायतीने शासकीय योजनेतून खरेदी केलेल्या सायकली गेल्या काही वर्षापासून धुळ खात पडलेल्या असून त्या सायकली अद्यापही गरजू लोकांपर्यत पोहचल्याच नाहीत.म्हणजे “आंधळ दळतंय अन कुत्र पीठ खातंय”अशी येथील ग्रामपंचातीची अवस्था झालेली आहे.
ग्रामपंचायतच्या जबाबदार ग्रामसेवकाचा नाकर्तपणा व गावकीच्या राजकारणात या सायकली पुर्णत मोडकळीस आल्या असून शासनाने खर्च केलेला हा पैसा पाण्यात गेल्याचाच हा परिणाम आहे.मात्र पंचायत समितीच्या कुठल्याही सक्षम अधिकाऱ्यांनी या गंभीर प्रकाराची अद्याप पर्यत दखल घेऊ नये म्हणजे आश्चर्य व्यक्त केले जात आहे.
