नांदेड जिल्ह्यात पाच वर्षीय चिमुरडीवर बलात्कार करून तिचा निर्घृण खून करण्यात आला

राजेंद्र पाटील राऊत

नांदेड जिल्ह्यात पाच वर्षीय चिमुरडीवर बलात्कार करून तिचा निर्घृण खून करण्यात आला!     देगलूर ,( संजय कोकेंवार प्रतिनिधी युवा मराठा  न्युज नेटवर्क)-                                   नांदेड जिल्ह्यातील भोकर तालुक्यातील दिवशी या गावातील आदिवासी मन्नेरवारलू जमातीच्या पाच वर्षाच्या चिमुरडीवर दि. 21-1- 2021 च्या पहाटे एकच्या सुमारास बलात्कार करून तिचा निर्घुण खून करण्यात आला आहे. अद्यापही मुख्य आरोपी फरार असून, एक संशयित आरोपीला अटक करण्यात आली आहे. उपजिल्हा ग्रामीण रुग्णालय भोकर येथे पोस्टमोर्टमसाठी बॉडी आणली असता, संबंधित भोकर येथील डॉक्टर नांदेड येथील शासकीय रुग्णालयात in कॅमेरा पोस्टमार्टम करण्यासाठी घेऊन जावं,अशी विनंती गावकऱ्यांना केली आहे. इतकी भयंकर घटना होऊनसुद्धा घटनास्थळी एकही वरिष्ठ अधिकारी भेट दिली नाही. ही फार खेदाची बाब आहे. आणि बॉडी सोबत एकही वरिष्ठ अधिकारी नाही. फक्त एक कॉन्स्टेबल सोबत ठेवण्यात आले आहे. महाराष्ट्राचे मा.मुख्यमंत्री साहेब, आदिवासी मंत्री साहेब, संरक्षण मंत्री साहेब, व नांदेड जिल्ह्याचे पालकमंत्री तथा बांधकाम मंत्री मा.ना. अशोकरावजी चव्हाण साहेबांनी व जिल्हाधिकारी डॉ. विपीन इटनकर साहेबांनी
समाजाला काळिमा फासणाऱ्या चिमुकलीच्या बलात्कार प्रकरणाकडे विशेष लक्ष घालून आरोपीला ताबडतोब पकडून महाविकास आघाडीच्या पुरोगामी शासनाने अनु घातलेल्या स्त्रीशक्ती कायद्यांतर्गत फाशीची शिक्षा लवकर देण्यात यावी. अन्यथा राष्ट्रीय आदिवासी मन्नेरवारलू कल्याण सेवा प्रतिष्ठान च्या वतीने व आदिवासी जमातीच्या लाखो जनसमुदायाच्या वतीने निषेध व आक्रोश महामोर्चा प्रत्येक जिल्ह्यातील जिल्हाधिकारी कार्यालयाच्या समोर काढण्यात येईल असा इशारा देण्यात आला आहे.