राजेंद्र पाटील राऊत
कोटबेल ग्रामपंचायतीच्या निवडणूकीत बिबाताई खैरनार
यांचा बहुमताने विजय..!!
मालेगांव,( श्रीमती आशा बच्छाव व्यवस्थापकीय संपादक युवा मराठा न्युज नेटवर्क)-एका सर्वसामान्य शेतकरी कुटूंबातील महिला,राजकारणाचा कुठलाही अनुभव नसताना ग्रामपंचायतीच्या निवडणूकीत पहिल्यांदाच उमेदवारी करुन बहुमताने निवडून येत ग्रामपंचायत निवडणूकीच्या माध्यमातून राजकारणात दमदार एन्ट्री केली.
नाशिक जिल्ह्यातील सटाणा तालुक्यात असलेल्या कोटबेल गावाच्या शेतकरी व सर्वसामान्य कुटूंबातील असलेल्या महिला सौ.बिबाताई देवाजी खैरनार यांनी यावेळी कोटबेल गावाच्या ग्रामपंचायत निवडणूकीत वाँर्ड क्रमांक ४ मधून उमेदवारी करीत सुरुवातपासूनच जोरदार प्रचार केल्याने त्यांचा २८८ मते मिळवून दणदणीत विजय झाला आहे.तर सौ.बिबाताई खैरनार यांच्या या निवडीचे सर्वच स्थरातून अभिनंदन होत आहे.
कोटबेल गावाच्या विविध समस्या सोडविण्यासाठी आपण कटीबध्द राहू व जनतेचा विश्वास सार्थ ठरवू असे नवनिर्वाचीत ग्रामपंचायत सदस्या सौ.बिबाताई खैरनार यांनी “युवा मराठा न्युज”शी शेवटी बोलताना सांगितले.