पत्रकार दिनानिमित युवा मराठाचे
राजेंद्र पाटील राऊत यांचा सत्कार
उतर महाराष्ट्र अध्यक्षपदी सार्थ निवड
किरण अहिरराव प्रतिनिधी
उमराणे ,युवा मराठा न्युज नेटवर्क– अगदी खेडेगावापासून आपल्या पत्रकारितेची सुरुवात करुन स्वकर्तृत्वावर संपूर्ण महाराष्ट्राभर नावलौकिक करणाऱ्या आणि निर्भिड पत्रकारितेचा वारसा जोपासणा-या युवा मराठा न्युजपेपर्स अँन्ड न्युज चँनलचे मुख्य संपादक राजेंद्र पाटील राऊत यांचा आज पत्रकार दिनाचे औचित्य साधून भारतीय मराठा महासंघाच्या वतीने राष्ट्रीय अध्यक्ष डाँ.अप्पासाहेब आहेर यांच्या हस्ते शाल व पुष्पगुच्छ देऊन सत्कार करण्यात आला.यावेळी पत्रकार राजेंद्र पाटील राऊत यांच्या निर्भिड
पत्रकारितेतील कार्याचा गौरव करण्यात आला.
सदर कार्यक्रमाचे आयोजन सौंदाणे, ता.मालेगांव येथील दतमंदीर ब्रम्हविद्या सेवाश्रम या ठिकाणी करण्यात आले होते.सदर कार्यक्रमास युवा मराठाचे सहसंपादक पंकज गायकवाड प्रतिनिधी विशाल बच्छाव तन्मय अमृते,आंशूराज पाटील व सौंदाणे परिसरातील ग्रामस्थ बहुसंख्येने हजर होते.
तर याप्रसंगी राजेंद्र पाटील राऊत यांची भारतीय मराठा महासंघाच्या उतर महाराष्ट्र अध्यक्षपदी निवड करण्यात आल्याची घोषणा यावेळी राष्ट्रीय अध्यक्ष डाँ.आप्पासाहेब आहेर यांनी करुन तसे नियुक्ती पत्र राजेंद्र पाटील राऊत यांना बहाल केले.
या निवडीचे अनेकांनी स्वागत केले असून,पत्रकार राजेंद्र पाटील राऊत यांचे सर्व स्थरातून अभिनंदन होत आहे.
