राजेंद्र पाटील राऊत
मुखेड तालुक्यातील 128 ग्रामपंचायती पैकी 6 ग्रामपंचायत बिनविरोध तर 102 ग्रामपंचायतीतील 131 वार्डात निवडणूक लढत रंगणार..
मनोज बिरादार मुखेड प्रतिनिधी (युवा मराठा न्यूज नेटवर्क)
मुखेड तालुक्यातील नोव्हेंबर 2020 मध्ये मुदत संपलेल्या 108 ग्रामपंचायतीच्या निवडणूक प्रक्रियेला प्रत्यक्ष सुरुवात झाली असून उमेदवारी अर्ज मागे घेण्यासाठी सोमवारी दिनांक 4 जानेवारी 2021 रोजी तहसील परिसरात मोठ्या प्रमाणात गर्दी दिसून आली. उमेदवारी अर्ज मागे घेण्याची मुदत सोमवारी 4 जानेवारी रोजी दुपारी वेळ 3 वाजेपर्यंत होती. निर्धारित दिलेल्या कालावधीत तालुक्यातील 6 ग्रामपंचायतीमध्ये18 वॉर्डातील 37 उमेदवार बिनविरोध निवडून आले आहेत. त्यात कोळनुर भगनुरवाडी हसनाळ ( प .दे.) जांब खुर्द कमळेवाडी ईटग्याळ ( प. दे.) अशा एकूण सहा ग्रामपंचायतीचा समावेश आहे उर्वरित 102 ग्रामपंचायतीसाठी रणधुमाळी सुरू झाली असून त्यातील 131 वार्डात प्रत्यक्ष निवडणूक रंगणार आहे.
