राजेंद्र पाटील राऊत
आशा वर्कर्सांच्या सेवा समाप्तीचे आदेश मागे , ग्रामाविकासमंत्री मुश्रीफ
कोल्हापूर जिल्ह्यातील विविध सर्वेक्षणांच्या थकीत मानधनासाठी आंदोलन करणार्या आशा व गटप्रवर्तकांना सेवासमाप्तीचे काढलेले आदेश राज्याचे ग्रामविकासमंत्री हसन मुश्रीफ यांनी मागे घेण्याचे आदेश दिल्यामुळे मुख्य कार्यकारी अधिकारी अमन मित्तल यांनी सोमवारी आदेश मागे घेतले. आशा वर्कर्स व गटप्रवर्तक युनियनच्या आंदोलनाचा हा विजय असल्याचे चंद्रकांत यादव यांनी सांगितले. दरम्यान, सोमवारी आशा कर्मचारी युनियनच्या वतीने जिल्हा परिषदेसमोर दिवसभर ठिय्या आंदोलन करण्यात आले. यावेळी देण्यात आलेल्या घोषणांमुळे जिल्हा परिषद परिसर दणाणून गेला. दुपारी साडेचार वाजण्याच्या सुमारास मुख्य कार्यकारी अधिकारी मित्तल यांची शिष्टमंडळाने भेट घेतली.
यावेळी त्यांनी जिल्हा परिषदस्तरावरील मागण्यांची लवकरच पूर्तता केली जाईल, असे सांगितले. तसेच दुपारी पदाधिकार्यांनीदेखील आंदोलन मागे घेण्याच्या केलेल्या विनंतीस मान देऊन आंदोलन मागे घेण्यात आले.
युवा मराठा न्यूज नेटवर्क ,
कोल्हापूर