राजेंद्र पाटील राऊत
भारतरत्न डॉ. बाबासाहेबांना अनोखे अभिवादन
(युवराज देवरे युवा मराठा न्यूज)
कल्याण मुंबई
6 डिसेंबरला भारतरत्न डॉक्टर बाबासाहेब आंबेडकर यांच्या महापरिनिर्वाण दिनाच्या दादर येथील चैत्यभूमी येथे न जाता त्यांना ऑनलाईन घरातूनच अभिवादन करण्याचे आंबेडकरी अनुयायांनी ठरवले आहे. डॉ आंबेडकर यांना अभिवादन करण्यासाठी अनुयायी संविधानाची प्रतिकृती तसेच कविता ,बाबासाहेबांचे विचार पोस्ट कार्ड द्वारे लिहून ते चैत्यभूमी येथे पाठवले जात आहे.
डॉ. बाबासाहेब आंबेडकर यांना अभिवादन करण्यासाठी दरवर्षी महापरिनिर्वाण दिनी लाखोंच्या संख्येने अनुयायी दादर येथील चैत्यभूमी येथे येतात. अगदी वादळ वारा पाऊस थंडी असे कोणतेही नैसर्गिक संकट आले तरी अबाल वृद्ध महिला जय भीम चा जयघोष करत येथे येतात. मात्र मागील आठ महिने देशात वाढत्या कोरोणा चे वाढते सावट व त्यामुळे झालेले लोकांची मृत्यू ही सर्व परिस्थिती लक्षात घेता चैत्यभूमी येथे गर्दी न करता घरातूनच डॉ.बाबासाहेब आंबेडकर यांना अभिवादन करण्याचे आवाहन करण्यात आले आहे.
**विश्वशांती सामाजिक संस्थेचे अध्यक्ष प्रतीक कांबळे यांनी पोस्टकार्ड द्वारे डॉ. बाबासाहेब आंबेडकर यांना अभिवादन करण्याची संकल्पना मांडली. कोरोना काळात ही संकल्पना राबविणे सोयीस्कर आहे. त्यामुळे 100 पोस्टर चैत्यभूमीच्या पत्त्यावर पाठविलेली आहेत. आणखी एक हजार पोस्टकार्ड
डोंबिवलीतील आंबेडकरी अनुयायांना देणार आहे. त्यांच्याकडून अभिवादना चे पोस्टकार्ड लवकरच चैत्यभूमीवर दाखल होतील. त्यामुळे चैत्यभूमी येथे गर्दी न होता कोरोना चा संसर्ग टाळता येणार आहे असे डोंबिवलीचे सामाजिक कार्यकर्ते श्री किरण शिंदे यांनी सांगितले आहे.
युवा मराठा न्यूज व संपूर्ण परिवारातर्फे भारतरत्न विश्वरत्न डॉ.बाबासाहेब आंबेडकर यांना त्रिवार अभिवादन करत आहेत.
जय भीम जय शिवराय🌷🌷