*युवा मराठा न्युज”च्या पाठपुराव्यामुळे अखेर मोबाईल टाँवर कार्यान्वित*
वाठोडा,( कमलेश ठाकरे प्रतिनिधी युवा मराठा न्युज नेटवर्क)- सटाणा तालुक्यातल्या अति दुर्गम आदिवासी भागातील वाठोडा व गाव परिसरात गेल्या कित्येक दिवसापासून मोबाईलचा टाँवर मनोरा उभा राहूनही कार्यान्वित न झाल्यामुळे या भागातल्या नागरिकांचे अतोनात हाल होत होते.
दरम्यान या भागातील वाठोडा बारीपाडा सावरपाडा वगरीपाडा केळझर तताणी भागातील नागरिकांना रेशनचे धान्य घेण्यासाठी किंवा अंगणवाडीच्या महिला कर्मचाऱ्यांनादेखील अनंत अडचणी येत होत्या.त्याशिवाय कोरोना काळात विद्यार्थ्यांना आँनलाईन अभ्यासाला नेटवर्कच मिळत नसल्याने अनंत अडचणीचा सामना करावा लागत होता,याप्रश्नी युवा मराठा न्युजने सर्वप्रथम या भागाला आपल्या ब्युरो टिमसस भेट देऊन तेथील समस्यांना वाचा फोडल्याने व मोबाईलचा टाँवर मनोरा कार्यान्वित करण्यासाठी सातत्याने पाठपुरावा केल्याने शिवाय पठावे दिगर भागाचे जिल्हा परिषद सदस्य गणेश अहिरे यांचेशी प्रत्यक्ष संपर्क साधून मोबाईल टाँवरची समस्या युवा मराठाने मांडल्यावर काल अखेर या भागात जिओ मोबाईल कंपनीचा टाँवर कार्यान्वित झाल्यामुळे या भागातील नागरिकांनी समाधान व्यक्त करण्याबरोबरच युवा मराठा न्युजचे अभिनंदन करुन आभार मानले आहेत.