🛑 *पुण्यात ६९ जणांचा कोरोनाने मृत्यू* 🛑

🛑 *पुण्यात ६९ जणांचा कोरोनाने मृत्यू* 🛑
✍️ पुणे 🙁 विलास पवार पुणे ब्युरो चीफ युवा मराठा न्युज)

पुणे :⭕ शहरात सप्टेंबर महिन्याअखेरपर्यंत दिवसागणिक दीड हजाराहून अधिक कोरोनाबधितांची संख्या वाढत होती. गेल्या पाच दिवसांपासून बाधितांपेक्षा कोरोनामुक्त होणार्‍यांची संख्या वाढली आहे. मात्र मृत्यूच्या संख्येत रोज नव्याने भर पडत आहे. शुक्रवारी मागील चोवीस तासांत 69 जणांचा कोरोनामुळे मृत्यू झाला.

दिवसभरात 1 हजार 209 जण कोरोनामुक्त झाले असून, त्यांना घरी सोडण्यात आले आहे. तर 1 हजार 24 नवे रुग्ण आढळून आले आहेत. मागील चोवीस तासात 69 जणांचा मृत्यू झाला. या मृतांपैकी 26 रुग्ण पुण्याबाहेरील आहेत, अशी माहिती आरोग्य विभागाने दिली.

शहरात कोरोनाबाधितांची संख्या गेल्या पाच दिवसापासून घटली असल्याने दिलासा मिळत आहे. मात्र एकीकडे मृत्यूचे सत्र सुरूच असल्याने प्रशासनासमोर मृत्यू रोखणे मोठे आव्हान ठरत आहे. काल दिवसभरात स्वॅब व अँटिजेन चाचणीसाठी 5 हजार 724 संशयितांचे नमुने घेण्यात आले. यातील 1 हजार 24 जणांचे नमुने पॉझिटिव्ह आले आहेत. बाधितांची आतापर्यंतची एकूण संख्या 14 लाख 73 हजार 51 वर पोहोचली आहे. शहर परिसरातील विविध रुग्णालयांत 16 हजार 141 रुग्ण उपचार घेत आहेत.

उपचार घेत असलेल्या रुग्णांपैकी 910 रुग्ण अत्यवस्थ आहेत, तर 508 रुग्ण व्हेंटिलेटरवर असून, 402 रुग्ण अतिदक्षता विभागात उपचार घेत आहेत. कोरोनामुळे मृत्यूू झालेल्यांची संख्या 3 हजार 571 वर पोहोचली आहे. आजपर्यंत कोरोनामुक्त झालेल्यांची एकूण संख्या 1 लाख 27 हजार 639 झाली आहे….⭕