देवळा तालुक्यात आमदार आहेरांनी केली नुकसानग्रस्त शेत शिवाराची पाहणी
(भिला आहेर प्रतिनिधी युवा मराठा न्युज नेटवर्क)
देवळा:- देवळा तालुक्याच्या पूर्व भागातील गावांमध्ये अतिपावसाने खराब झालेल्या शेती पिकांची आमदार डॉ. राहुल आहेर यांनी नुकतीच पाहणी केली प्रामुख्याने डोंगरगांव, मेशी, उमराणे, ह्या गावांमध्ये कांदे,मका,कांदयाची रोपे ह्या शेती पिकांचे जवळपास शंभर टक्के नुकसान झाले असल्याचे त्यांच्या पाहणी दौऱ्यात लक्षात आले.त्यामुळे नुकसान झालेल्या शेती पिकांचे पंचनामे करण्याच्या सूचना यावेळी सम्बंधित यंत्रनेला दिल्या असून नुकसानग्रस्त शेती पिकांची नुकसान भरपाई मिळावी यासाठी शासनस्तरावर आपण पाठपुरावा करणार असल्याचे यावेळी आमदार डॉ. आहेर यांनी सांगितले. यावेळी त्यांच्यासोबत तहसीलदार दतात्रेय शेजूळ,केदा शिरसाठ,डोंगरगांवचे सरपंच दयाराम सावंत,उमराणा बाजार समितीचे माजी सभापति विलास देवरे, जाणता राजा मित्रमंडळाचे नंदन देवरे, जि. प. सदस्य यशवंत शिरसाठ, सचिन देवरे,तलाठी राजेंद्र गुंजाळ,कृषि सहाय्यक ढवळे,स्वाभिमानी शेतकरी संघटनेचे राजू शिरसाठ यांसह ग्रामस्थ यावेळी हजर होते.
