*दोषी पोलिस अधिकाऱ्यांवर कडक करवाई करा*
*बहुजन वंचित युवक आघाडी*
*कोल्हापूर (मोहन शिंदे ब्युरोचिफ युवा मराठा न्युज )*
कोल्हापूर जिल्ह्यातील वारणानगर परिसरातील एका युवतीवर लैंगिक अत्याचार करण्यात आला मात्र तिची पोलिसांनी सविस्तरपणे तक्रार नोंदवून घेण्याऐवजी आरोपीना फायदा होईल अशा पद्धतीने गुन्हा नोंद करून घेतला.
पिडीत युवतीला न्याय नाही मिळाला तर गृहराज्यमंत्र्याच्या दारात लाँगमार्च काढण्याचा इशारा बहुजन वंचित युवक आघाडीने दिला आहे.
दि.६ सप्टेंबर रोजी वारणानगर परिसरातील युवतीवर लैंगिक अत्याचार करून पेट्रोल ओतून पेटवण्याचा प्रयत्न झाला होता.
या बाबत पेठ वडगांव पोलीस ठाण्यात तक्रार दाखल केली असता पोलीस कर्मचारी अमरसिंह पावरा यांनी सदर घटणेत जाणीवपूर्वक बदल केला आहे. मात्र तिला धमकी दिल्या बाबत जबाब नोंदवला गेला आहे.
पिडीत युवतीला आणि नातेवाईकांना ताटकळत ठेऊन फिर्याद देण्यापासुन परावृत्त करण्याचा प्रयत्न केला आसल्याचा आरोप प्रा.शरद कांबळे यांनी केला आहे.
या लैंगिक अत्याचाराबाबत पोलीस निरीक्षक प्रदिप काळे यांना सत्य घटना सांगितले असता सदर पोलीस अधिकाऱ्यांनी त्या पिडीत युवतीलाच दोषी ठरवून पोलीस कर्मचारी पावरा यांना पाठीशी घातले आहे.
सदर घटणेबाबत पोलिस कर्मचारी अमरसिंह पावरा व पो.नि. प्रदीप काळे या दोघांना निलंबित करण्याची मागणी बहुजन वंचित युवक आघाडीने पत्रकार परिषदेत केली आहे. पिडीत युवतीला न्याय नाही मिळाला तर गृहराज्य मंत्र्याच्या घरावर मोर्चा काढण्याचा इशारा बहुजन वंचित युवक आघाडीच्या वतीने दिला आहे.
यावेळी प्राध्यापक शरद कांबळे , विकास कांबळे , मिलींद सनदी यांच्यासह पदाधिकारी उपस्थित होते.