🛑 एअर इंडियाला या कंपनीने दिला झटका, ३३ मिलियन डॉलरची उधारी 🛑

🛑 एअर इंडियाला या कंपनीने दिला झटका, ३३ मिलियन डॉलरची उधारी

मुंबई ( साईप्रजित मोरे ब्युरो चीफ युवा मराठा न्युज )

मुंबई, 7 ऑगस्ट : ⭕ कर्जात बुडालेली सरकारी मालकीची कंपनी एअर इंडिया आधीच अनेक संकटांना तोंड देत आहे. अशातच कंपनी समोर आणखी एक मोठे संकट आले आहे. एअर इंडियाकडील बोईंग ७८७ आणि ड्रीमलाइनर यापुढे उड्डाण करण्याची शक्यता वाटत नाही.

बोईंग ७८७ आणि ड्रीमलायनर या दोन्ही कंपन्यांची निर्मिती करणारी अमेरिकन कंपनी बोईंगची उधारी न दिल्यामुळे कंपनीने विमानाचे खराब झालेले पार्ट दुरुस्त करून देण्यास नकार दिलाय. सूत्रांनी दिलेल्या माहितीनुसार बोईंगचे एअर इंडियाने जवळजवळ ३३ मिलियन डॉलर देणे आहे.

अमेरिकन कंपनी बोईंगने १ ऑगस्ट रोजी एअर इंडियाला या संदर्भात पत्र पाठवले आहे. यात तत्काळ कंपनीकडून दिला जाणारी सपोर्ट सर्व्हिस कंपोनेंट सर्व्हिस एग्रीमेंट नुसार निलंबित केली जाणार आहे. या घटनेवर नजर ठेवणाऱ्या एका सूत्रांनी दिलेल्या माहितीनुसार बोईंगने एअर इंडियाला ड्रीमलायनरसाठी नवे पार्ट देण्यास नकार दिला आहे.

बोईंग कंपनीने केलेल्या दाव्यानुसार स्पेअर पार्ट्स रिप्लेसमेंट स्कीममुळे कंपनीची ३० टक्के बचत होते.

विमान निर्मिती करणारी अन्य एक कंपनी कोलिंस एयरोस्पेशने एअर इंडियाला इशारा दिला आहे. कंपनीने धकबाकीसाठी एअर इंडियाला १ आठवड्याची मुदत दिली आहे. एअर इंडियाला कोलिंसकडून ड्रीमलायनरसाठीच्या रिसीवर ट्रान्समीटर आणि हाय फ्रिकव्हेंसी कपल्स सारख्या गोष्टींचा पुरवठा केला जातो. या शिवाय ड्रीमलायनरचे उड्डाण होऊ शकत नाही.

सध्याच्या घडीला एअर इंडियावर एअरक्राफ्ट वेंडरांचे ६५ मिलियन डॉलर देणे आहे. यातील ३३ मिलियन डॉलर फक्त बोईंगचे देणे आहे. बोईंगने १५ ऑगस्टपर्यंत काही रक्कम आणि उर्वरित रक्कम कधी देणार याची तारीख सांगण्यास सांगितले आहे.⭕