*जालन्यात कोरोनाचा कहर वाढला आणखी दहा पॉझिटिव्ह*
====================
*जालना जिल्ह्याची संख्या 71 वर पोहचली*
=*जालना,(ब्युरो टिम युवा मराठा न्युज*)-===================
*जालना जिल्ह्यात कोरोनाचा कहर दिवसेंदिवस वाढतच चालला आहे. आज आणखी नवीन दहा रूग्णांची भर पडली असून जिल्ह्याची संख्या आता 71 वर पोहचली असल्याची माहिती सरकारी सुत्रांनी दिली आहे. जालना जिल्हा रुग्णालयातर्फे शनिवारी एकूण 106 संशयीत रुग्णांच्या लाळेचे नमुने घेऊन ते काल रविवारी सकाळी प्रयोग शाळेकडे तपासणीसाठी पाठविण्यात आले होते. त्यापैकी 105 अहवाल काल रविवारी रात्री उशिरा प्राप्त झाले आहेत. त्यात जालना शहरातील जुना जालना भागातील नामांकित असलेल्या एका खाजगी रुग्णालयाशी संबंधित पाच जणांचे अहवाल पॉझिटिव्ह प्राप्त झाले आहेत. तसेच जालना तालुक्यातील पिरपिंपळगाव प्राथमिक आरोग्य केंद्रा अंतर्गत असलेल्या नूतनवाडी येथील 2,अंबड तालुक्यातील पिरनेर येथील 1,मंठा तालुक्यातील हनुमंतखेडा आणि कानडी येथील प्रत्येकी एक अशा एकूण दहा रुग्णांचा समावेश असून त्यात सहा महिला व चार पुरुषांचा समावेश असल्याचे या सुत्रांनी सांगितले*
====================