चंद्रपूर, दि. ९ जून : गुरुपौर्णिमा पर्वाचे औचित्य साधून चंद्रपूर विभागातील सर्व साधक बंधू-भगिनींसाठी परमपूज्य सद्गुरू दादाश्री महाराज यांच्या पावन सानिध्यात सूक्ष्म ध्यान साधना शिबीर व महासत्संगाचे भव्य आयोजन करण्यात आले आहे. रविवार, दि. १४ जून २०२६ रोजी होणारा हा आध्यात्मिक सोहळा साधकांना गुरुकृपेचा दिव्य अनुभव, अंतर्मनाची शांती आणि आध्यात्मिक उन्नतीची सुवर्णसंधी प्रदान करणारा ठरणार आहे.
सद्गुरूंच्या सानिध्यात व्यतीत केलेला प्रत्येक क्षण हा साधकाच्या जीवनातील अमूल्य ठेवा असतो. गुरुकृपेच्या माध्यमातून जीवनाला नवी दिशा, नवे चैतन्य आणि आत्मिक समाधान प्राप्त होते. याच पवित्र भावनेतून गुरुपौर्णिमेच्या मंगल पर्वानिमित्त सूक्ष्म ध्यान साधना शिबीर व महासत्संगाचे आयोजन करण्यात आले असून, सर्व साधकांनी या दुर्मिळ संधीचा लाभ घ्यावा, असे आवाहन आयोजकांनी केले आहे.
कार्यक्रमाचे आयोजन रंगोली सभागृह, बंगाली कॅम्प पेट्रोल पंपाजवळ, बल्लारशा बायपास रोड, चंद्रपूर येथे करण्यात आले आहे. सकाळी ८.३० ते ११.०० या वेळेत सूक्ष्म ध्यान साधना शिबीर होणार असून, त्यानंतर ११.३० ते दुपारी २.०० या वेळेत परमपूज्य सद्गुरू दादाश्री महाराज यांच्या पावन सानिध्यात महासत्संग संपन्न होईल. गुरुपौर्णिमा हा गुरूभक्तीसाठी आणि आत्मचिंतनासाठी अत्यंत पवित्र दिवस मानला जातो. या दिवशी सद्गुरूंच्या चरणी उपस्थित राहून ध्यान, सत्संग आणि गुरुकृपेचा लाभ घेतल्याने जीवनात सकारात्मक परिवर्तन घडते, अशी साधकांची श्रद्धा आहे. त्यामुळे सर्व साधक बंधू-भगिनींनी आपली सर्व कामे बाजूला ठेवून या मंगलमय सोहळ्यास मोठ्या संख्येने उपस्थित राहावे आणि आध्यात्मिक आनंद, शांती व गुरुकृपेचा दिव्य अनुभव घ्यावा, असे प्रेमपूर्वक आवाहन करण्यात आले आहे.
