आशाताई बच्छाव
शिंदखेड्यात छत्रपती शिवाजी चौक ते भगवा चौका पर्यंत स्त्याची दुरावस्था
!! शिंदखेडा शहरातील युवकांनी केली रस्ता दुरुस्तीची मागणी !!
(विरदेल/शिंदखेडा प्रतिनिधी)
(राकेश बेहेरे पाटील)
शिंदखेडा जि,धुळे येथील छत्रपती शिवाजी महाराज चौक ते भगवा चौक पर्यंत रस्त्याची अत्यंत दुरवस्था झाली असून काँक्रेट मधून लोखंडी सळ्यां बाहेर आल्यामुळे अपघाताच्या घटना वाढत आहे. सदर रस्ता त्वरित दुरुस्त करावा अशी मागणी सार्वजनिक बांधकाम विभागाचे कार्यकारी अभियंता धुळे यांच्या कडे केली असून निवेदन उपविभागीय अभियंता यांना दिले आहे सदर निवेदन स्थापत्य अभियंता पंकज भामरे यांनी स्वीकारले. छत्रपती शिवाजी महाराज चौक ते भगवा चौक हा शहराचा मुख्य आणि वर्दळीचा रस्ता आहे. शिंदखेडा हे तालुक्याचे ठिकाण असून शासकीय कार्यालय, शाळा, महाविद्यालये, कृषी उत्पन्न बाजार समिती, पंचायत समिती, बस स्थानक, बाजारपेठ, न्यायालय हे सर्व रस्त्याला लागून आहेत. परंतु अनेक वर्षांपासून सदर रस्ता दुर्लक्षित होत आहे. आता तर रस्त्याची अवस्था अत्यन्त बिकट झाली असून पायी चालणे देखील जिकरीचे झाले आहे. सदर रस्त्याचे काम त्वरित आणि दर्जेदार करण्यात यावे अन्यथा लोकशाही मार्गाने आंदोलन करण्यात येईल. होणाऱ्या परीणामास पुर्णपणे सार्वजनिक बांधकाम विभाग जबाबदार राहील. असा इशारा निवेदणातून देण्यात आला आहे. निवेदनावर रोहित पाटील, राजेंद्र मराठे, भूषण पवार, जीवन देशमुख, बबलू खाटीक, अबरार तेली यांच्या सह्या आहेत.
