आशाताई बच्छाव
मोताळा ते मलकापूर मार्गावरील घटना; अपघातात ऑटो चालक जखमी
एसटी बस-ऑटोची समोरासमोर धडक
युवा मराठा न्यूज बुलढाणा जिल्हा ब्युरो चीफ संजय पन्हाळकर
बुलडाणा :-मोताळा मोताळा ते मलकापूर जाणारी एसटीप बस आणी ऑटोची समोरासमोर धडक झाल्याची घटना ६ जून रोजी रात्री पावणेआठ वाजेच्या सुमारासम बस स्टँडपासून काही अंतरावर मलकापूर मार्गावर दुध डेअरीसमोर घडली. या घटनेत ऑटो चालक जखमी झाला असून उपचारासाठी बुलढाणा येथे हलवण्यात आले आहे.
मलकापूर डेपोची एम.एच. ४० ए.क्यू. ६३९१ क्रमांकाची बस मोताळा येथून प्रवासी घेऊन मलकापूरसाठी निघाली होती. दरम्यान, मलकापूर मार्गावर काही अंतरावर गेल्यावर एका दूध डेअरीजवळ समोरून येणाऱ्या एम.एच. २८ एच. ४०६८ क्रमांकाच्या ऑटो आणि बसची समोरासमोर धडक झाली. या अपघातात ऑटो चालकाच्या डोक्याला आणि मानेवर दुखापत झाली असून घटनेची माहिती मिळताच बोराखेडीचे पोहेकॉ नंदकिशोर धांडे, रवींद्र नरोटे, श्रीकांत चिंचोले, चालक मनोहर पंडीत यांनी घटनास्थळी धाव घेतली. व जखमी ऑटो चालकाला नागरिकांच्या मदतीने उपचारासाठी बुलढाणा येथे हलवले.
