आशाताई बच्छाव
शेतकऱ्यांनी गट विकास अधिकाऱ्यांना दिले विविध मागण्यांचे निवेदन
मस्टर सुरू करा अन्यथा आंदोलन छेडणार
भोकरदन प्रतिनिधी गजेंद्र लोखंडे
भोकरदन तालुक्यातील अनेक शेतकऱ्यांनी रोजगार हमी योजनेतून मागील त्याला सिंचन विहिरीचे काम सुरू केलेले आहे. मात्र रोजगार सेवक तांत्रिक सहाय्यक अधिकारी शेतकऱ्यांची मस्टर घेत नसल्याची तक्रार शेतकर्यांनी पंचायत समिती गट विकास अधिकारी महेंद्र साबळे यांच्याकडे निवेदनद्वारे केली. या निवेदनात म्हटले आहे की शेतकऱ्यांनी विहिरीचे काम सुरू केले आहे मात्र मजुरीची रक्कम मिळण्यासाठी पंचायत समिती कार्यालयातील सहाय्यक अधिकारी कंत्राटी कर्मचारी शेतकऱ्यांची मस्टर घेत नसल्यामुळे शेतकऱ्यांना अनुदान विलंब होत आहे.कर्मचारी शेतकऱ्यांना उडवा उडवी चे उत्तरे देत आहे येत्या तीन दिवसात मस्टर सुरू न केल्यास मंगळवारी बीडिओच्या दालनात ठिया आंदोलन करण्याचा इशारा निवेदनात दिला आहे.यावेळी निवेदनार बळीराजा फाउंडेशनचे अध्यक्ष नारायण लोखंडे स्वराज्य संघटनेचे जिल्हा अध्यक्ष विकास जाधव शेतकरी जयवंत घोलप, सुधाकर गाडेकर, भागाजी गाडेकर,कैलास गाडेकर ,भानुदास जाधव ,अमोल गाडेकर ,आनंदा कानडे आदी उपस्थित होते.
