आशाताई बच्छाव
शिवसेना उपतालुकाप्रमुख ठोंबरे यांच्या पाठपुराव्याला यश
अखेर १५ जुनपासून जाफराबाद ते जालना बस सेवा सुरु होणार
भोकरदन/जालना दि. ९(प्रतिनिधी दिलीप बोंडे)-जाफराबाद ते जालना मार्गे माहोरा, बरंजळा
साबळे, नळणी बरड, नळणी चौफुली, समर्थनगर नळणी, जवखेडा ठोंबरे- केदारखेडा,
राजुर, जालना बससेवा सुरु करण्यात यावा ही मागणी भोकरदन शिवसेना
उपतालुकाप्रमुख अर्जुन ठोंबरे यांनी मागील काही दिवसांपासून लावून धरली
होती. तसेच वेळप्रसंगी आत्मदहन करण्याचा इशाराही परिवहन महामंडळाला दिला
होता. याची दखल घेवून १५ जुनपासून बससेवा सुरु करणार असल्याचे पत्र
ठोंबरे यांना परिवहन मंडळाने दिले आहे. त्यामुळे अखेर अनेक महिन्यांपासून
करत असलेल्या पाठपुराव्याला आणि मागणीला यश आले आहे.
भोकरदन शिवसेना (उध्दव बाळासाहेब ठाकरे) उपतालुकाप्रमुख अर्जुन ठोंबरे
यांना परिवहन मंहामंडळ जालनाने दिलेल्या पत्रात म्हटले आहे की, -जाफराबाद
ते जालना मार्गे माहोरा, बरंजळा साबळे, नळणी बरड, नळणी चौफुली, समर्थनगर
नळणी, जवखेडा ठोंबरे- केदारखेडा, राजुर, जालना बससेवा सुरु करणे बाबत
कळविलेले आहे. तसेच बससेवा सुरु न केल्यास विभागीय कार्यालयासमोर आत्मदहन
करण्यात येईल असे आपणामार्फत कळविण्यात आलेले आहे. त्यानुषंगाने रा.प.
महामंडळ जालना विभागाकडे बसेस तसेच चालक, वाहक यांची कमतरता असल्याने आपण
मागणी केल्याप्रमाणे बससेवा १५ जून पासून सुरु करण्यात येईल. त्यामुळे
आपले आत्मदहन आंदोलन मागे घेण्यात यावा, असेही विभाग नियंत्र रा. प.
जालना यांनी कळविले आहे.
