आशाताई बच्छाव
सौ.सायली ताई देशमुख यांच्या मधुर वाणीत मुक्रमाबादेत श्री शिव महापुराण कथेस सुरुवात
मुक्रमाबाद/प्रतिनिधी बस्वराज वंटगिरे
मुखेड तालुक्यातील मुक्रमाबाद येथील महादेव मंदिरात इच्छापूर्ती गणेश मंदिर व तुळजाभवानी मंदिराच्या १३ व्या वर्धापन दिनानिमित्त भव्य शिव महापुराण कथेचे आयोजन करण्यात आले आहे.
ह.भ.प.सौ. सायली ताई सुशांत देशमुख( शिवणे पुणे )युवा किर्तनकार कथाकार यांच्या मधुर वाणीतून मंगळवार दि.२५ फेब्रुवारी ते दि.३ मार्च पर्यंत प्रदोष काळात सायंकाळी ७ ते १० या वेळेत शिव महापुराण कथा सुरुवात झाली आहे.
तरी मुक्रमाबादसह परिसरातील भाविक शिव भक्तांनी सात दिवस चालणाऱ्या या शिवमहापुराणकथेचा मोठ्या संख्येने लाभ घ्यावा असे आवाहन श्री इच्छापूर्ती गणेश मंदिर मुक्रमाबाद व आई तुळजाभवानी मंदिर तसेच श्री शिवाय नमस्तुभ्यं सेवा समिती च्या वतीने करण्यात आले आहे.
सौ.सायली ताई पहिल्या दिवशी आपल्या मधुर वाणीत श्री शिवमहापुराणाचे महात्म्य, भगवान आदिनाथाची पुजा कशी करावी,भक्ती कशी असावी व कशी करावी या विषयावर सुंदर पध्दतीने मार्गदर्शन केले.बहुसंख्य भक्तांनी या कथेला उपस्थित होते.
