आशाताई बच्छाव
शनिशिंगणापूर विकासाला चालना देणार. अहिल्यानगर कारभारी गव्हाणे प्रतिनिधी
राधाकृष्ण विखे : देवस्थानला विकासात्मक सूचना
शनिशिंगणापूरला वाढत असलेला महिमा व येथे होत असलेली देशभरातील भक्तांची गर्दी लक्षात घेऊन येथे भाविकांच्या हितार्थ शासनाच्या माध्यमातून विकासात्मक कार्य करताना जवळच असलेल्या सोनई गाव व परिसरात काही सुविधा निर्माण केल्या जातील, असे प्रतिपादन जलसंपदामंत्री राधाकृष्ण विखे-पाटील यांनी व्यक्त केले.
विखे-पाटील यांनी आज नेवासे येथे आयोजित सत्कार समारंभ कार्यक्रमास जाण्याच्या अगोदर शनिशिंगणापूरला भेट देऊन शनिमूर्तीला तेल अभिषेक
केला. देवस्थानच्या जनसंपर्क कार्यालयात विश्वस्त समितीचे अध्यक्ष भागवत बानकर यांनी विखे पाटील यांचा शाल, श्रीफळ व प्रसाद देऊन सत्कार
केला. यावेळी आमदार विठ्ठलराव लंबे, भाजपचे अहिल्यानगर उत्तर जिल्हाध्यक्ष नितीन दिनकर, माजी विश्वस्त सयाराम बानकर, मराठा महासंघाचे संभाजी दहातोंडे, किसनराव गडाख, डॉ. बाळासाहेब कोलते, डॉ. संतोष लांडे, ऋषिकेश शेटे, शकील बागवान उपस्थित होते.
दर्शनासाठी मंदिर परिसरात गर्दी असताना विखे-पाटील यांच्या वाहनांचा ताफा जनसंपर्क कार्यालयासमोर आल्यानंतर भक्तांना अडचण आल्याची
बाब विखे-पाटील यांनी देवस्थान ट्रस्टला सांगून दर्शन रोग व्यवस्था तसेच जनसंपर्क कार्यालयात काही बदल सुचविले. अध्यक्ष बानकर यांनी आवश्यक बदल तातडीने केल्या जातील असे सांगितले, राज्य सरकारच्या माध्यमातून नेवासे येथील संत ज्ञानेश्वर महाराज पैसखांब मंदिराचा चेहरामोहरा बदलून जाईल असा विश्वास व्यक्त करताना शनिशिंगणापूर येथेही विकासाचा धागा विणला जाईल, असेही सांगितले.
