आशाताई बच्छाव
संविधानाच्या तोडफोडीचा राष्ट्रवादी काँग्रेस
पार्टी सामाजीक न्याय विभागाकडून निषेध
आरोपीला फासावर देण्याची केली जिल्हाधिकार्यांकडे मागणी
जालना (दिलीप बोंडे ब्युरो चीफ) ः परभणी येथील डॉ. बाबासाहेब आंबेडकर यांच्या पुतळ्यासमोरील प्रतिकृती (संविधाना) च्या तोडफोडीचा निषेध राष्ट्रवादी काँग्रेस पार्टी सामाजीक न्याय विभागाच्या वतीने करण्यात आला असून सदरील आरोपीला फासावर देण्यात यावे अशी मागणी जिल्हाधिकारी यांना दिलेल्या निवेदनाद्वारे करण्यात आली आहे.
या संदर्भात दिलेल्या निवेदनात नमूद केले आहे की, सोपान पवार या नराधमाने परभणी येथील डॉ. बाबासाहेब आंबेडकर यांच्या पतुळ्यासमोरील प्रतिकृतीची (संविधान) तोडफोड केली असून या आरोपीला फासावर लटकविण्यात यावे तसेच यामागचा बोलविता धनी कोण याचा तपास करून कडक शासन करावे अशी मागणी देखील निवेदनात करण्यात आली आहे. निवेदनावर जिल्हाध्यक्ष प्रभाकर घेवंदे यांच्यासह इतरांच्या स्वाक्षर्या आहेत.
