विकासाचे गाजर दाखवून राज्यात सत्तेत आलेल्या महायुतीतील  मंडळींनी महाराष्ट्र राज्याला केवळ लुटण्याचे काम केले आहे

आशाताई बच्छाव

जालना ः दिलीप बोंडे ब्युरो चीफ 
विकासाचे गाजर दाखवून राज्यात सत्तेत आलेल्या महायुतीतील  मंडळींनी महाराष्ट्र राज्याला केवळ लुटण्याचे काम केले आहे. राज्यातील प्रमुख उद्योग गुजरातला पळवून लावण्याचे पाप करणाऱ्या महायुती सरकारला या निवडणुकीत जनता निश्चितपणे घरचा रस्ता दाखविल्याशिवाय राहणार नाही असा ठाम विश्वास महाराष्ट्र प्रदेश काँग्रेस कमिटीचे अध्यक्ष आ. नानाभाऊ पटोले यांनी आज येथे बोलतांनी व्यक्त केला.
जालना विधानसभा मतदार संघातील इंडिया महाविकास आघाडीचे अधिकृत उमेदवार आ. कैलास गोरंट्याल यांच्या प्रचारार्थ शहरातील हॉटेल अमितमध्ये आज शनिवारी आयोजीत करण्यात आलेल्या विराट जाहिर सभेत मार्गदर्शन करतांना ते बोलत होते. यावेळी अध्यक्षस्थानी जालना जिल्हा काँग्रेस कमिटीचे अध्यक्ष राजाभाऊ देशमुख हे होते. तर खा. चंद्रकांत हंडोरे, खा. डॉ. कल्याण काळे, जालना लोकसभा प्रभारी माजी मंत्री डॉ. पी. सी. शर्मा, पक्षाचे जिल्हा प्रभारी मा. आ. नामदेवराव पवार, आ. राजेश राठोड, मा. आ. वजाहत मिर्झा, शिवसेनेचे जिल्हाप्रमुख भास्करराव अंबेकर, जेष्ठनेते एकबाल पाशा, नवाब डांगे, राष्ट्रवादी काँग्रेसचे जिल्हाध्यक्ष डॉ. निसार देशमुख, राजेंद्र राख, विजय चौधरी, युवानेते अक्षय गोरंट्याल, राम सावंत, भिमशक्तीचे प्रमोदकुमार रत्नपारखे, बदर चाऊस, रिपाईचे जिल्हाध्यक्ष किशोर मघाडे, दिनकर घेवंदे, आपचे संजोग हिवाळे, सपाचे अमजद फारूखी, नंदकिशोर जांगडे, अखबर खॉ, अब्दुल रऊफ परसुवाले आदींची व्यासपिठावर उपस्थिती होती.
यावेळी पुढे बोलतांना पटोले म्हणाले की, मराठवाडा विभागासाठी उपयुक्त असलेली मराठवाडा वॉटरग्रीड योजना पुर्ण करून या योजनेच्या माध्यमातून विभागातील प्रत्येक शहर आणि जिल्हयातील शेतकऱ्यांना  पाणी देण्याचा प्रयत्न महाविकास आघाडी सरकारच्या काळात केला जाईल.