आशाताई बच्छाव
बीड जिल्ह्यातील चौसाळा बायपासवर एसटीचा अपघात; २५ जण जखमी सुदैवाने जीवितहानी नाही
मोहन चव्हाण
ब्युरो चिफ बीड जिल्हा
बीड दि: २९ ऑक्टोबर २०२४ रोजी राज्यमार्ग परिवहन महामंडळाच्या तुळजापूर – धुळे बस पलटी होऊन अपघात झाल्याची घटना धुळे – सोलापूर महामार्ग बायपासवर पारगाव (ता. वाशी) येथे आज सकाळी साडेअकरा वाजता सुमारास घडली आहे. यामध्ये २५ प्रवासी जखमी झाले असून त्यांना पारगाव येथील सरकारी दवाखान्यात दाखल करण्यात आले. या अपघातात सुदैवाने जीवितहानी टळली आहे. धाराशिव जिल्ह्यातील तुळजापूर आगारची बस क्रमांक एम. एच. २० बी एल १८९५ ही बस तुळजापूर येथून धुळे येथे जात होती. दरम्यान ही बस पारगाव ता. वाशी येथे आली असता चालकाचे बसवरील नियंत्रण सुटले अन् बस सरळ रस्त्याच्या खाली उतरून शेतात जाऊन पलटी झाली. या अपघातात बसमधील १० ते १५ प्रवासी जखमी असल्याची प्राथमिक माहिती आहे. यांची संख्या वाढूही शकते. अपघात घडतात काही प्रवासी व पारगाव येथील नागरिकांनी अपघातस्थळी धाव घेत बचाव कार्य सुरू केले. जखमींना तातडीने पारगाव येथील ग्रामीण रुग्णालयात दाखल करण्यात आले. जखमींची नावे अद्याप समजू शकले नाहीत.
